მოკლედ: გერმანიის კანცლერმა ოლაფ შოლცმა, ირაკლი კობახიძესთან შეხვედრისას, რუსული კანონი გააკრიტიკა.

  • როგორც მან საქართველოს პრემიერ-მინისტრს უთხრა, იმედი აქვს, რომ ხელისუფლება ამ კანონის მიღებაზე უარს იტყვის.

ოლაფ შოლცის კრიტიკულ განცხადებას საქართველოს მთავრობის ადმინისტრაცია ავრცელებს.

  • კობახიძე ბერლინში ოფიციალური ვიზიტით იმყოფება.

დეტალები: "ჩვენ, ისევე, როგორც მთელი ევროკავშირი, ძალიან კრიტიკულად ვუყურებთ ე.წ. კანონს აგენტების შესახებ. მას შემდეგ, რაც ეს კანონი შეჩერდა, დიდი იმედი გვქონდა, რომ ის აღარ დადგებოდა დღის წესრიგში. ახალი კანონპროექტი, პრაქტიკულად, არ შეცვლილა, ის იგივეა, რაც შარშან და ძალიან დიდი იმედი გვაქვს, რომ ამ კანონს არ მიიღებს საქართველო და პარლამენტი გაითვალისწინებს ჩვენი და საქართველოს მოსახლეობის კრიტიკულ პოზიციას.

  • ამიტომ, ჩვენს საუბარში [კობახიძესთან], კიდევ ერთხელ გავუსვი ხაზი სამოქალაქო საზოგადოების მნიშვნელობას და ოპოზიციის და მთავრობის თანამშრომლობას, რომელიც მნიშვნელოვანია საზოგადოებრივი განვითარებისთვის", — თქვა შოლცმა ირაკლი კობახიძესთან შეხვედრის შემდეგ გამართულ პრესკონფერენციაზე.

რუსული კანონის ქრონოლოგია:

2024 წლის 3 აპრილი

  • ოცნებამ განაცხადა, რომ ისევ აპირებს იმავე რუსული კანონის კანონის მიღებას, რამაც მასშტაბური სახალხო წინააღმდეგობა გამოიწვია გასული წლის მარტში.

8 აპრილი

9 აპრილი

11 აპრილი

  • ცნობილი გახდა, რომ რუსული კანონი პლენარულ სხდომაზე მესამე მოსმენით, სავარაუდოდ, 17 მაისს გავა. საკომიტეტო მოსმენა ორშაბათს, 15 აპრილს არის დაგეგმილი, პლენარულ სხდომაზე პირველი მოსმენის სავარაუდო თარიღი კი 16 აპრილია.

15 აპრილს, საკომიტეტო მოსმენის პარალელურად, თბილისში საპროტესტო აქცია იგეგმება.