უკრაინის პრეზიდენტმა სოციალურ ქსელში ყირიმის დეკლარაცია გამოაქვეყნა, რომელიც აშშ-ს სახელმწიფო მდივანმა მაიკ პომპეომ 2018 წელს, დონალდ ტრამპის პრეზიდენტობის პირველ ვადაში გამოსცა და რომლითაც აშშ რუსეთის მიერ ყირიმის ანექსიას არ აღიარებს.

ყირიმის დეკლარაცია

ყირიმის დეკლარაცია

დოკუმენტის გამოქვეყნება ლონდონში საგარეო საქმეთა მინისტრების დონეზე დაგეგმილი შეხვედრის ჩაშლას მოჰყვა, რის შემდეგაც შეხვედრა სხვა ფორმატში გაიმართა.

მას შემდეგ რაც ლონდონში ჩასვლაზე უარი თქვეს აშშ-ის სახელმწიფო მდივანმა მარკო რუბიომ და სტივ უიტკოფმა, შეხვედრაში ამერიკულ დელეგაციას აშშ-ის პრეზიდენტის სპეციალური წარმომადგენელი კით კელოგი ხელმძღვანელობდა.

ზელენსკი წერს, რომ უკრაინა ყოველთვის თავისი კონსტიტუციის შესაბამისად იმოქმედებს.

"დიდი ემოციებია დღეს. მაგრამ კარგია, რომ ხუთმა ქვეყანამ შეხვედრა გამართა მშვიდობის მოსაახლოებლად. უკრაინა, შეერთებული შტატები, გაერთიანებული სამეფო, საფრანგეთი და გერმანია. მხარეებმა თავიანთი შეხედულებები გააჟღერეს და პატივისცემით მიიღეს ერთმანეთის პოზიციები. მნიშვნელოვანია, რომ ყოველი მხარე არა უბრალოდ მონაწილე იყო, არამედ აზრიანი წვლილი შეიტანა. ამერიკულმა მხარემ თავისი ხედვა გააჟღერა. უკრაინამ და სხვა ევროპელებმა თავიანთი აზრები წარადგინეს და ვიმედოვნებთ, რომ სწორედ ასეთი ერთობლივი მუშაობა მიგვიყვანს მყარ მშვიდობამდე. მადლობელი ვართ პარტნიორების. უკრაინა ყოველთვის თავისი კონსტიტუციის შესაბამისად იმოქმედებს და სრულიად დარწმუნებულები ვართ, რომ ჩვენი პარტნიორები, კონკრეტულად კი შეერთებული შტატები, თავიანთ ძლიერ გადაწყვეტილებებთან შესაბამისად იმოქმედებენ", — წერს ზელენსკი.