პედრო პასკალმა სამშაბათს, 22 აპრილს, ტრანსგენდერი ქალების მხარდასაჭერად ხმამაღალი განცხადება გააკეთა — ერთი კვირის შემდეგ, რაც გაერთიანებული სამეფოს უზენაესმა სასამართლომ ქალის განმარტებასთან დაკავშირებით გადაწყვეტილება მიიღო.

სერიალ The Last of Us-ის ვარსკვლავი ლონდონში Marvel-ის ახალი ბლოკბასტერის, Thunderbolts-ის პრემიერას დაესწრო, სადაც ეცვა თეთრი მაისური წარწერით "Protect the Dolls" ("დაიცავით თოჯინები").

ფოტო: Getty Images

ეს მაისური დიზაინერ კონერ აივზის კამპანიის ნაწილია, რომელიც მიზნად ისახავს ტრანსგენდერი ქალების მხარდაჭერას მთელ მსოფლიოში იმ დროს, როდესაც მათი უფლებები ხშირად იზღუდება. ტრანსგენდერ ქალებს ლგბტ+ საზოგადოებაში ზოგჯერ მოფერებით "თოჯინებს" (Dolls) უწოდებენ.

აივზმა დიზაინი 2025 წლის თებერვალში ლონდონის მოდის კვირეულზე წარადგინა, მაისურების გაყიდვა კი მის ვებსაიტზეა შესაძლებელი. გაყიდვებიდან შემოსული თანხა სრულად გადაერიცხება Trans Lifeline-ს — საქველმოქმედო ორგანიზაციას, რომელიც ტრანსგენდერ ადამიანებს აშშ-ში სასიცოცხლოდ მნიშვნელოვან სერვისებს აწვდის.

კონერ აივზი ლონდონის მოდის კვირეულზე

კონერ აივზი ლონდონის მოდის კვირეულზე

ფოტო: New York Times

New York Times-სთან საუბარში აივზმა თქვა, რომ ეს დიზაინი "ძალიან რეაქტიული" იყო და დაამატა: "ცხადია, რამის თქმა მინდოდა, იმის გათვალისწინებით, რაც ბოლო თვეებში აშშ-ის მთავრობასა და ამჟამინდელ პოლიტიკურ რეჟიმთან დაკავშირებით ვიხილეთ."

პედრო პასკალი ტრანსგენდერთა მხარდამჭერ განცხადებებს ხშირად აკეთებს. როგორც ცნობილია, მისი დაც ტრანსგენდერი ქალია.

პედრო და ლუქს პასკალები

პედრო და ლუქს პასკალები

ფოტო: Getty Images

იხილეთ ასევე: