მოკლედ: შემოსავლების სამსახურის ინფორმაციით, 2022 წლის 1-ელი მარტიდან დღემდე, აზარტულ თამაშებზე დამოკიდებულ პირთა მონაცემთა ბაზაში რეგისტრირებულია 14 826 ფიზიკური პირი.

  • ბაზაში, მოსამართლის ბრძანების საფუძველზე 48, ხოლო თავად პირის მომართვით — 14 778 განაცხადია რეგისტრირებული.

დეტალები: ლატარიების, აზარტული და მომგებიანი თამაშობების მოწყობის შესახებ კანონში ცვლილება 2022 წლის 1-ელი მარტიდან შევიდა. ცვლილებების მიხედვით, ამოქმედდა ელექტრონული ბაზა, რომელშიც შეიძლება აზარტულ თამაშებზე დამოკიდებული ადამიანები მოხვდნენ.

  • შემოსავლების სამსახურის მიხედვით, დამოკიდებულ პირთა სიაში საკუთარი მონაცემების შეტანის შესახებ განაცხადის წარდგენა შესაძლებელია, როგორც მატერიალური ფორმით, ასევე ელექტრონულად.
  • რეგისტრაციის მომსახურების მიღება შესაძლებელია, როგორც საკუთარი სახელით, ასევე მინდობილი პირის მეშვეობითაც, სამუშაო დღეების განმავლობაში — 09:00 საათიდან 18:00 საათამდე.

ბოლო ხაზი: შემოსავლების სამსახურის მიხედვით, ლატარიების, აზარტული და მომგებიანი თამაშობების მოწყობის შესახებ კანონის თანახმად, აკრძალულ პირთა სიაში, რომელიც მოიცავს მოქალაქეებს, რომელთაც აკრძალული აქვთ აზარტული თამაშები, ავტომატურ რეჟიმში შეყვანილია 1 503 989 პირის შესახებ მონაცემები.