თბილისის საქალაქო სასამართლომ თბილისში, უზნაძის ქუცაზე საკუთარი ბიძაშვილის მკვლელობისთვის ბრალდებულს, აღკვეთის ღონისძიებად, პატიმრობა შეუფარდა. სასამართლოს ეს გადაწყვეტილება რამდენიმე წუთის წინ გახდა ცნობილი.

"სასამართლომ მხარეთა განმარტებების მოსმენის, წარმოდგენილი მასალების, შუამდგომლობის დასაბუთებულობის შესწავლისა და შემოწმების შედეგად მიიჩნია, რომ სახეზეა აღკვეთის ღონისძიების გამოყენების როგორც ფაქტობრივი, ისე ფორმალური საფუძვლები. კერძოდ, სასამართლომ მხედველობაში მიიღო ის გარემოება, რომ ბრალდებულს ბრალად ედება სიცოცხლის წინააღმდეგ ჩადენილი, განსაკუთრებით მძიმე კატეგორიის დანაშაულის შესაძლო ჩადენაში, არსებობდა ბრალდებულის მიმალვისა და გამოძიებისათვის ხელშეშლის საფრთხეები, ასევე სასამართლომ გაითვალისწინა ქმედების სპეციფიკა, გარემოებები, დამდგარი მძიმე შედეგი და ბრალდებულს აღკვეთის ღონისძიების სახედ შეუფარდა პატიმრობა", - აღნიშნულია სასამართლოს მიერ გავრცელებულ განცხადებაში.

მკვლელობის ბრალდებით 1995 წელს დაბადებული პირი ფოთში, სავარაუდო დანაშაუალის ჩადენიდან მეორე დღეს, 17 ივლისს დააკავეს. შსს-ს ინფორმაციით, ის ბრალს აღიარებს.

"გამოძიებამ დაადგინა, რომ ბრალდებულმა მიმდინარე წლის 16 ივლისს თბილისში, უზნაძის ქუჩაზე, საცხოვრებელ ბინაში, თავის მამიდაშვილს - 1998 წელს დაბადებულ ა. ხ.-ს ცივი იარაღით ყელის არეში სასიკვდილო ჭრილობები მიაყენა და შემთხვევის ადგილიდან მიიმალა", - აღნიშნავენ შსს-ში და დასძენენ, რომ ბრალდბეული დანაშაულს აღიარებს.

გოგოს მკვლელობის შესახებ ინფორმაცია 17 ივლისს დღის პირველ ნახევარში გავრცელდა. რუსთავი 2-ის ინფორმაციით, უზნაძის ქუჩაზე მდებარე ერთ-ერთ საცხოვრებელ სახლში მოკლულ გოგოს ჭრილობები ყელის არეში დანით ჰქონდა მიყენებული