გომისმთაზე სამი სახლი დაიწვა. ამის შესახებ ინფორმაცია "გურია ნიუსმა" გაავრცელა. მათი ცნობით, შემთხვევის შედეგად არავინ დაშავებულა.

ამას გარდა, სოციალურ ქსელში ენრიკო ნაკაშიძემ გაავრცელა ვიდეო და დაწერა, რომ გომის მთაზე, "თომანოვის წყალზე 3 ტყუპი სახლიდან შუას წაეკიდა ცეცხლი“. მისივე ინფორმაციით, "ყველა გადარჩა" და არავინ დაშავებულა.

"ხანძარი გაჩნდა თომანოვის წყალზე 3ტყუპი სახლიდან შუას წაეკიდა ცეცხლი, ყველანი კარგად არიან შევძელით გამოყვანა, ზუსტად არ ვიცი ავიდნენ მგონი სასწრაფო დახმარება და ყველა დამხმარე ძალა, მაგრამ მგონი სამივე სახლი იწვის ახლაც, რაც მთავარია ყველა გადარჩა და არ შეიძლება რომ 1 ცეცხლსაქრობი მანქანა გომის მთაშიც იყო? ყველა ხის სახლია ხომ ყოველთვის უნდა ელოდე ეგეთ ამბავს ღმერთმა ყველა დაიფაროს", — წერს ენრიკო ნაკაშიძე.

საგანგებო სიტუაციების მართვის სამსახურის ინფორმაციით, ადგილზე მობილიზებული იყო სახანძრო სამსახურის ჯგუფები. ხანძარი ლიკვიდირებულია.