გასულ კვირას ანკარაში NATO-ს სამიტამდე ცოტა ხნით ადრე, რადარებმა ოკუპირებული აფხაზეთიდან საზენიტო რაკეტის გაშვება დააფიქსირეს, რომელიც თურქეთისკენ მიემართებოდა. Spiegel-ის ცნობით, ამის გამო ალიანსში განგაშის სიგნალი გააქტიურდა.

გამოცემის ცნობით, მალათიის პროვინციაში განლაგებული ბუნდესვერის "პატრიოტის" ტიპის საზენიტო რაკეტების ბატარეაც მაღალ მზადყოფნაში იყო მოყვანილი.

გერმანული გამოცემა წერს, რომ ალიანსის რადარებმა საქართველოს მიმართულებით, თურქეთის საჰაერო სივრცისკენ მიმართული მაღალი სიჩქარით მოძრავი რაკეტა დააფიქსირეს, რომელიც თავდაპირველად ბალისტიკურ რაკეტად მიიჩნეოდა. მოგვიანებით ის შავ ზღვაში ჩამოვარდა.

ამის მიუხედავად, მომხდარმა NATO-ში სერიოზული შეშფოთება გამოიწვია. მხოლოდ მოგვიანებით გაირკვა, რომ ეს იყო არასწორი მიმართულებით მიმართული საზენიტო რაკეტა, რომელიც რუსეთის ძალებმა ოკუპირებული აფხაზეთის ტერიტორიიდან გაუშვეს.

ეს ინციდენტი NATO-ს გარე საზღვრებთან საჰაერო სივრცის დარღვევების სერიის ბოლო შემთხვევაა, რაც რუსეთსა და ალიანსს შორის ესკალაციის რისკს ზრდის.

2026 წლის NATO-ს სამიტი 7 ივლისს ანკარაში გაიხსნა. ღონისძიებაზე საქართველო მიწვეული არ იყო. სამიტს NATO-ს 32 წევრი ქვეყნის ლიდერები ესწრებოდნენ, მათ შორისაა აშშ-ის პრეზიდენტი დონალდ ტრამპი.