აშშ-ის პრეზიდენტმა დონალდ ტრამპმა კანადურ პროდუქციაზე 50%-იანი საბაჟო ტარიფების დაწესების შესახებ განაცხადა. ვაშინგტონის განმარტებით, აღნიშნული გადაწყვეტილების მიზეზი ოტავას მხრიდან ამერიკული ალკოჰოლის, ავტომობილებისა და რძის ნაწარმის მიმართ არსებული "დისკრიმინაციული პოლიტიკაა".

თეთრი სახლის ინფორმაციით, შეზღუდვები ძალაში 30 დღეში შევა. ახალი ტარიფები შეეხება პროდუქციის ფართო ასორტიმენტს, მათ შორის ღვინოს, ჰოკეის ჯოხებსა და ცემენტს, თუმცა არ გავრცელდება ენერგოპროდუქტებსა და პოტაშზე. აღსანიშნავია, რომ ტარიფები გავრცელდება იმ პროდუქტებზეც, რომლებიც აშშ-მექსიკა-კანადის თავისუფალი ვაჭრობის შეთანხმებით (USMCA) არის დაცული.

კანადის პრემიერმინისტრმა, მარკ კარნიმ ტრამპის გადაწყვეტილებას USMCA-ის შეთანხმების "პირდაპირი დარღვევა" უწოდა, თუმცა დასძინა, რომ ოტავა მზადაა ვაშინგტონთან მოლაპარაკებების გასააქტიურებლად, რათა დავა მშვიდობიანად მოგვარდეს.