თელავის სასტუმრო "აგარანის მამულში" ქორწილის დროს უცხოელ ქალზე ძალადობის საქმეზე დაკავებული გიორგი ჭიღლაძე 5 000-ლარიანი გირაოს სანაცვლოდ სასამართლო დარბაზიდან გათავისუფლდა.

"ამ ჩადენილ დანაშაულს ვნანობ, რაც მოხდა… ჩემი მიზანი არ ყოფილა ეს ასე დასრულებულიყო… ამის თქმა მინდა," — განაცხადა ჭიხლაძემ სასამართლო პროცესზე (წყარო "რადიო თავისუფლება").

ღიღლაძემ სასამართლო დარბაზის დატოვების შემდეგ მედიასთან საუბრისგან თავი შეიკავა. ბრალდების მხარის ადვოკატმა, ლაშა კაპანაძემ ჟურნალისტებთან საუბრისას განაცხადა, რომ სასტუმრომ გამოთქვა სურვილი ჭიღლაძისთვის შეფარდებული გირაო გადაეხადა. ადვოკატმა მადლობა გადაუხადა სასამართლოს და ბრალდების მხარეს პროკურატურის შუამდგომლობის გაზიარებისთვის.

"ძალიან დიდი მადლობა მინდა გადავუხადო ქართველ ხალხს, იმ ჟურნალისტებს, რომლებიც ფაქტობრივად 24 საათის განმავლობაში აშუქებდნენ საქმეზე მიმდინარე მოვლენებს.

ასევე მინდა მადლობა გადავუხადო ბრალდების მხარესაც, რომ გაიზიარა საზოგადოების აზრი და აღკვეთის ღონისძიების სახით გირაოს გამოყენება მოითხოვეს. მინდა აღვნიშნო, რომ სასტუმროს ადმინისტრაციამ მზაობა გამოთქვა გირაოს თანხის გადახდასთან დაკავშირებით. მზაობა გამოთქვა და დიდი ალბათობით გადაიხდის კიდეც", — განაცხადა ადვოკატმა ჟურნალისტებთან საუბრისას.

შეგახსენებთ, 18 ივლისს, თელავში, სასტუმრო "აგარანის მამულში" ინციდენტი მოხდა. ქორწილის მსვლელობისას, სასტუმროს მესამე სართულზე, ერთ-ერთ ნომერში მყოფმა უცხო ქვეყნის მოქალაქე ქალებმა შეურაცხყოფა მიაყენეს ქორწილის სტუმრებს და სითხე დაასხეს. რის შემდეგაც სიძის ძმას, გიორგი ჭიღლაძე ნომერში მყოფ ერთ-ერთ ქალს დაარტყა. შსს-მ გიორგი ჭიღლაძე დააკავა. მომხდარზე გამოძიება ჯანმრთელობის განზრახ მსუბუქი დაზიანების ბრალდებით დაიწყო