მოკლედ: უნიანი იუწყება, რომ უკრაინის ქალაქ ოდესაში, რუსეთის დრონების თავდასხმის შედეგად, 9-სართულიანი სახლის ნაწილი ჩამოინგრა.

  • ამ დროის მონაცემებით, დაიღუპა 2 და დაშავდა 7 ადამიანი.

დეტალები: ოდესის ოლქის ხელმძღვანელის თქმით, ერთი სადარბაზო მთლიანად დაინგრა.

  • "დაშავდა ორსული ქალი, მისი მდგომარეობა საშუალო სიმძიმისაა. კიდევ სამი ადამიანი მრავლობითი დაზიანებით არის ჰოსპიტალიზებული, მათ შორის, 26 წლის ქალი მძიმე მდგომარეობაშია", - თქვა მან.
  • ცოტა ხნის წინ, მაშველებმა ნანგრევებში ერთი ადამიანი იპოვეს, ის ცოცხალია. როგორც გაირკვა, დარტყმისას კაცი სარდაფში იმყოფებოდა.