მოკლედ: სპეციალური საგამოძიებო სამსახურის ინფორმაციით, პირადი ცხოვრების საიდუმლოს ხელყოფის ფაქტზე დააკავეს 63 და 39 წლის კაცები.

  • ორივე ბრალდებულს პირადი ცხოვრების საიდუმლოს ხელყოფისთვის ბრალდება წარედგინა და აღკვეთის ღონისძიების სახით პატიმრობა შეეფარდა.

დეტალები: გამოძიებით დადგინდა, რომ

  • 63 წლის ბრალდებული, დაზარალებულ ქალთან სქესობრივ კავშირს ტელეფონით იღებდა, დაზარალებული კი ბრალდებულს თავისი ინტიმური შინაარსის ფოტოებსაც უგზავნიდა.
  • მას შემდეგ, რაც ქალმა ურთიერთობის გაგრძელებაზე უარი თქვა, ბრალდებულმა, შურისძიების მოტივით, 2024 წლის თებერვალში, აპლიკაცია Whatsapp-ის გამოყენებით, ინტიმური შინაარსის მასალა დაზარალებული ქალის ოჯახის წევრს გადაუგზავნა.
  • ჩხრეკის შედეგად, სპეციალურმა საგამოძიებო სამსახურმა ბრალდებულის სახლიდან ქალის ინტიმური შინაარსის მასალა მოიპოვა და ბრალდებული დააკავა.

გარდა ამისა, სპეციალურმა საგამოძიებო სამსახურმა დაადგინა, რომ 39 წლის კაცს, 2021-2022 წლებში, ინტიმური ურთიერთობა ჰქონდა ქალთან, რომელსაც ვიდეოზარის მიმდინარეობისას, ფარულად, მობილური ტელეფონით შიშველ ქალს სურათებს უღებდა.

  • ასევე, ბრალდებული მობილურ ტელეფონში უკანონოდ ინახავდა, მათი სქესობრივი კავშირის ამსახველ ვიდეო-ჩანაწერს.