ზაფხულში, ტემპერატურის მატებასთან ერთად, სახლებსა და ოფისებში კარგად გამართული კონდიცირების სისტემის მნიშვნელობა სულ უფრო აშკარა ხდება. ეს სისტემები არ არის მხოლოდ კომფორტი, ისინი სასიცოცხლოდ მნიშვნელოვანია პროდუქტიული და ჯანსაღი გარემოს შესანარჩუნებლად. ამ პერიოდში კონდიციონერების შეკეთების და მონტაჟის სერვისებზე მოთხოვნა იზრდება, რაც მსგავსი სერვისების მომწოდებლებისთვის საკმაოდ დიდი გამოწვევა ხდება.

კონდიციონერის მწყობრიდან გამოსვლის ან არაეფექტური მუშაობის მიზეზი შეიძლება გახდეს:

ფრეონის გაჟონვა: თუ კონდიციონერში ფრეონი შემცირდა ან ჟონავს, რა თქმა უნდა ეს გავლენას ახდენს კონდიციონერის მუშაობაზე და მის ეფექტურობაზე, ამ დროს მნიშვნელოვანია დროულად მოხდეს ფრეონის დამატება, რათა თავიდან ავიცილოთ დამატებითი შეფერხებები კონდიციონერის მუშაობაში.

თერმოსტატის პრობლემები: ზოგჯერ პრობლემა თავად კონდიციონერში კი არა, არამედ თერმოსტატშია. არასწორად დაკალიბრებულმა თერმოსტატმა შეიძლება გამოიწვიოს სხვადასხვა პრობლემები, მაგალითად კონდიციონერი არ ჩაირთოს ან ვერ დაარეგულიროს ტემპერატურა.

სენსორის პრობლემები: ოთახის კონდიციონერებს აქვთ თერმოსტატის სენსორი, რომელიც მდებარეობს მართვის პანელის უკან, სენსორი ზომავს ჰაერის ტემპერატურას და არეგულირებს მის მუშაობას. თუ სენსორი გამორთულია, კონდიციონერი შეიძლება მუდმივად ჩართული დარჩეს და ან პირიქით, დროზე ადრე ითიშებოდეს.

დრენაჟის პრობლემები: სადრენაჟო ხაზი შეიძლება დაიხუროს ჭუჭყით, მტვრით ან წყალმცენარეებით, რაც იწვევს ცუდ დრენაჟს. ამან შეიძლება გავლენა მოახდინოს ტენიანობის დონესა და კონდიციონერის გამართულად მუშაობაზე.

ელექტროენერგიის მიწოდების შეფერხება: კონდიციონერს ხშირი ჩართვა და გამორთვა დენის წყაროდან ხშირად ხდება კაბელის კოროზიის და გაცვეთის მიზეზი, რის შედეგადაც კონდიციონერს ელექტროენერგია მიეწოდება შეზღუდულად, რაც იწვევს მის მწყობრიდან გამოსვლას.

არასათანადო მოვლა: რეგულარული მოვლა გადამწყვეტია კონდიციონერების ეფექტური მუშაობისთვის. საჭირო მოვლის უგულებელყოფა იწვევს კონდიციონერის მუშაობის ხარისხის მუდმივ შემცირებას, ხოლო ენერგიის მოხმარება სტაბილურად იზრდება.

დაგროვებული მტვერი ან გასაწმენდი ფილტრები: კონდიციონერების პრობლემების ერთ-ერთი ყველაზე ხშირი მიზეზია გასაწმენდი და დახშული ფილტრი, რაც ზღუდავს ჰაერის ნაკადის მოძრაობას, ამცირებს სისტემის ეფექტურობას და ჰაერის სწრაფად გაგრილების უნარს.

დანადგარის ასაკი: ყველა მოწყობილობის მსგავსად, კონდიციონერებს აქვთ შეზღუდული სიცოცხლის ხანგრძლივობა. ძველი კონდიციონერი შეიძლება არ ფუნქციონირებდეს ისე ეფექტურად, როგორც უახლესი მოდელი და შესაძლოა დასჭირდეს უფრო ხშირი შეკეთება.

ამ პრობლემების დროულად მოგვარებამ შეიძლება თავიდან აგაცილოთ უფრო გაზრდილი დანახარჯები და გაახანგრძლივოს თქვენი კონდიციონერის სიცოცხლე.

რატომ არის მნიშვნელოვანი კონდიციონერების პერიოდული შემოწმება და დროული შეკეთება

კონდიცირების სისტემის მოვლა და პერიოდული შემოწმება, განსაკუთრებით სეზონის დასაწყისში, არ არის მხოლოდ კომფორტის საკითხი, ეს არის აუცილებლობა მისი ხანგრძლივი და ეფექტური მუშაობისთვის. რეგულარული მოვლა გვეხმარება პოტენციური პრობლემების იდენტიფიცირებაში, სანამ ისინი გადაიქცევიან ძვირადღირებულ პრობლემებად. ისეთმა პრობლემებმა, როგორიცაა ფრეონის გაჟონვა ან თერმოსტატის გაუმართაობა, შეიძლება მნიშვნელოვნად იმოქმედოს კონდიცირების სისტემების მუშაობაზე. ეს საკითხები არა მხოლოდ იწვევს ეფექტურობის შემცირებას, არამედ ზრდის ელექტრო-ენერგიის გადასახადებს და შეიძლება ზიანი მიაყენოს ჰაერის ხარისხსაც.

კონდიცირების სისტემების მოვლის რეგულარულმა უგულებელყოფამ შეიძლება გამოიწვიოს რიგი პრობლემები. გაუმართავი კონდიციონერების მწყობრიდან გამოსვლის რისკი, რა თქმა უნდა, უფრო დიდია, განსაკუთრებით ზაფხულის ცხელ თვეებში მათი აქტიური მოხმარებისას, ეს არა მხოლოდ გვიქმნის დისკომფორტს, არამედ იწვევს გადაუდებელი შეკეთების ხარჯებს, რომლებიც ხშირად უფრო მაღალია, ვიდრე რეგულარული ტექნიკური ხარჯები. გარდა ამისა, კონდიციონერის სიცოცხლის ხანგრძლივობა შეიძლება მკვეთრად შემცირდეს, რაც გამოიწვევს ნაადრევი ჩანაცვლების საჭიროებას.

კონდიციონერების სწორად შერჩევის და მონტაჟის მნიშვნელობა

კონდიციონერების მონტაჟი — სწორი სერვისის არჩევა გადამწყვეტია სისტემის ოპტიმალური მუშაობისა და ხანგრძლივობის უზრუნველსაყოფად. გასათვალისწინებელი ძირითადი ფაქტორები მოიცავს დანადგარის ზომასა და ტიპს, მისი ენერგოეფექტურობის მაჩვენებელს და სივრცის სპეციფიკურ საჭიროებებს, იქნება ეს მყუდრო სახლი თუ ფართო ოფისი.

პატარა ფართზე გათვლილ კონდიციონერს გაუჭირდება დიდი ოთახის ეფექტურად გაგრილება, ხოლო დიდი ზომის კონდიციონერმა შეიძლება გამოიწვიოს ენერგიის არასაჭირო მოხმარება და ტემპერატურის არათანაბარი კონტროლი. სწორად დამონტაჟებული კონდიციონერები მუშაობს უფრო ეფექტურად, მოიხმარს ელექტორი-ენერგიის ოპტიმალურ რაოდენობას, იშვიათად გამოდის მწყობრიდან და აქვს უფრო დიდი სიცოცხლის ხანგრძლივობა.

კონდიციონერის მონტაჟის მომსახურების არჩევისას აუცილებელია გაითვალისწინოთ სერვისის მომწოდებელი კომპანიის გამოცდილება, რეპუტაცია, სანდოობა და მრავალმხრივი სერვისების მიწოდების შესაძლებლობა. გარდა ამისა, მნიშვნელოვანია ჩატარდეს გეგმური შემოწმებები, განსაკუთრებით ზაფხულის სეზონის დაწყების წინ.

კომპანია თბილისის სახელოსნო თბილისის მაცხოვრებლებს და ორგანიზაციებს წლებია სთავაზობს ყოვლისმომცველ მომსახურებას, რაც უზრუნველყოფს კონდიციონერების სისტემების გამართულ მუშაობას, როგორც სახლებში, ასევე ოფისებში და კომერციულ სივრცეებში. მომსახურება ითვალისწინებს კონდიციონერების შემოწმებას, პრობლემების იდენტიფიცირებასა და გადაჭრას, რაც არა მხოლოდ დაგაზოგვინებთ ფულს გრძელვადიან პერსპექტივაში, არამედ უზრუნველყოფს კომფორტულ და ჯანსაღ საცხოვრებელ ან სამუშაო გარემოს.

კომპანიის კარგ რეპუტაციაზე და მომსახურების მაღალ ხარისხზე მეტყველებს მისი მრავალწლიანი თანამშრომლობა პარტნიორ კომპანიებთან, როგორებიცაა, არქი, მინისო, სათამაშოების მაღაზია ლამაზი, ელიტ-ელექტრონიქსი, ბლექ სი არენა ბათუმი, ავია თბილისი, ავტოპაპა და სხვა. კორპორაციული თანამშრომლობა კომპანიებს აზოგვინებს დროს და ხარჯებს გრძელვადიან პერიოდში, ამასთან შესაძლებელია სხვადასხვა სერვისების გაერთიანება ერთი კონტაქტორის ქვეშ, რაც კიდევ უფრო ამარტივებს კომუნიკაციას და ბიზნესს რჩება მეტი დრო მისი ძირითადი საქმიანობის შესასრულებლად.