მოკლედ: თბილისის მერია აცხადებს, რომ წერეთლის გამზირზე მიმდინარე საგზაო სამუშაოები ბოლო ეტაპზეა. "ამ დროისთვის, მთლიან გამზირზე ასფალტის ახალი საფარის დაგება მიმდინარეობს. მათ შორის, სამუშაოები ხორციელდება გიორგი ცაბაძის ქუჩის გადაკვეთაზე, რის გამოც 20 იანვრიდან 22 იანვრამდე, ორი დღის განმავლობაში, საზოგადოებრივი ტრანსპორტის მარშრუტი იცვლება", — აცხადებს უწყება.

დეტალები: კერძოდ, მერიის ცნობით,

• N311, N 327 ავტობუსები და N458, N 476, N 504 მიკროავტობუსები, რომლებიც წერეთლის გამზირიდან მოძრაობას წინამძღვრიშვილის ქუჩისკენ აგრძელებენ, ცაბაძის ქუჩისა და აღმაშენებლის გამზირის მიმართულებით, შემდეგ კი დადგენილი სქემით იმოძრავებენ.
• ხოლო, უკუმიმართულებით წერეთლის გამზირისკენ მოძრაობისას, N 320 ავტობუსი და N 536, N 551 მიკროავტობუსები აღმაშენებლის გამზირზე აღარ შევლენ და მოძრაობას თამარ მეფის გამზირზე გააგრძელებენ, შემდეგ კი წინამძღვრიშვილის ქუჩით წერეთლის გამზირს დაუკავშირდებიან.
• N 476, N 458 მიკროავტობუსები, სადგურის მოედნისკენ მოძრაობისას, დავით ყიფიანის ქუჩიდან სვლას აღმაშენებლის გამზირისკენ გააგრძელებენ, რის შემდეგაც თამარ მეფის გამზირისა და წინამძღვრიშვილის ქუჩის გავლით აბასთუმნის ქუჩას დაუკავშირდებიან და დადგენილი სქემით იმოძრავებენ. უკუმიმართულებისას, სადგურის მოედნიდან თამარ მეფის გამზირს და აღმაშენებლის გამზირს დაუკავშირდებიან, ხოლო შემდეგ, დავით ყიფიანის ქუჩიდან დადგენილი სქემით იმოძრავებენ.

ასევე, თბილისის მერიის მიერ, 19 იანვარს გავრცელებული ცნობით, რეაბილიტაციის პროცესის გამო, წერეთლის გამზირის გადამკვეთ ქუჩებზე მოძრაობა ეტაპობრივად შეიზღუდება. შეზღუდვა შეეხება:

• ცაბაძის, ფიფიების, გორის, ბათუმის, ფოთის,
• ბაგრატიონის, ევდოშვილის, თემურ ფიფიას, კედიას, ვანის, ბაქრაძის,
• სტანისლავსკისა და სამტრედიის ქუჩებს — ყველა ამ ქუჩაზე, ასფალტის საფარის დაგების პროცესში, საავტომობილო მოძრაობა მონაცვლეობით შეიზღუდება.

კონტექსტი: 16 იანვარს, გავრცელდა ინფორმაცია, რომ თბილისის მერიამ თანამშრომლობა შეწყვიტა ორ კონტრაქტორ კომპანიასთან, ესენია: შპს ერ ტე დე და შპს მილენიუმ ბილდერს გრუპი. კონტრაქტის გაწყევტის მიზეზად "ვადების გადაცილება, გეგმა-გრაფიკთან ჩამორჩენა" დასახელდა.

• 17 იანვარს, თბილისის მერიამ, წერეთლის რეაბილიტაციის დასასრულებლად, ოთხი კომპანიასთან გააფორმა ხელშეკრულება, ესენია: ენკო, პარმა, ჯეო გრუპი და ბლექ სი გრუპი.
• ოპოზიცია ამაში კურუფციის ნიშნებს ხედავს — 18 იანვარს, ენმ-მ მიმართა პროკურატურას, წერეთლის რეაბილიტაციის პროცესის გამოსაძიების მოთხოვნით.