მიმდინარე კვირას, რიგგარეშე სესიაზე, ოცნების პარლამენტი "ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ" საქართველოს კანონში ცვლილების შეტანასთან დაკავშირებით დაჩქარებული წესით იმსჯელებს. ამის შესახებ ინფორმაციას პარლამენტი საკუთარ ვებგვერდზე აქვეყნებს.

"პარლამენტი "ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ" საქართველოს კანონში ცვლილების შეტანის თაობაზე" კანონპროექტზე დაჩქარებული წესით იმსჯელებს.

პარლამენტი განიხილავს "საერთო სასამართლოების შესახებ" საქართველოს ორგანულ კანონში ცვლილებებს.

განსახილველ საკითხთა შორის იქნება "საქართველოს სისხლის სამართლის კოდექსში ცვლილების შეტანის შესახებ" კანონპროექტთა პაკეტი.

პარლამენტი ასევე იმსჯელებს — "უცხოელთა და მოქალაქეობის არმქონე პირთა სამართლებრივი მდგომარეობის შესახებ" საქართველოს კანონში ცვლილების შეტანის თაობაზე" კანონპროექტზე, "საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ" და "ატმოსფერული ჰაერის დაცვის შესახებ" საქართველოს კანონში ცვლილების შეტანის შესახებ" კანონპროექტებზე," — წერია პარლამენტის მიერ გავრცელებულ განცხადებაში.