პოლიციამ ორშაბათს, ბაქოში რუსეთის მედიასაშუალება Sputnik Azerbaijan-ის ოფისში ჩხრეკა ჩაატარა. ამის შესახებ ინფორმაციას Meduza ადგილობრივ საინფორმაციო საშუალებებზე დაყრდნობით ავრცელებს.

ცნობების თანახმად, სამართალდამცავებმა შენობა თავიანთ კონტროლზე აიყვანეს. პოლიციის განცხადებით, ჩხრეკასთან დაკავშირებული დეტალური ინფორმაცია მოგვიანებით გასაჯაროვდება.

მედიასაშუალება Qafqazinfo-ს ცნობით, Sputnik Azerbaijan — რომელიც რუსეთის სახელმწიფო პროპაგანდისტული ქსელის, Rossiya Segodnya-ს ნაწილია — ადრე აზერბაიჯანში ოფიციალურად შეჩერებული იყო. ამის მიუხედავად, ოფისი კვლავ ფუნქციონირებდა და თანამშრომლები სამსახურში მაინც დადიოდნენ.