ოცნების ხელისუფლების პრეზიდენტმა, მიხეილ ყაველაშვილმა პარლამენტის რიგგარეშე სესია მოიწვია.

ყაველაშვილის ადმინისტრაციის ცნობით, ყაველაშვილმა, საქართველოს კონსტიტუციის 44-ე მუხლის მე-2 პუნქტის შესაბამისად, ოცნების პარლამენტის თავმჯდომარის, შალვა პაპუაშვილის მომართვის საფუძველზე, პარლამენტის რიგგარეშე სესია 1 ივლისიდან მოიწვია.

მათივე ცნობით, ყაველაშვილმა შესაბამის განკარგულებას ხელი უკვე მოაწერა.

ოცნების პარლამენტი, სავარაუდოდ, დაჩქარებული წესით განიხილავს და მიიღებს ჩანაცვლებით თერაპიასთან და ფსიქოტროპულ მედიკამენტებთან დაკავშირებულ კანონპროექტებს და, შესაძლოა, მიმდინარე კვირაშივე გადაწყდეს გახარიას პარტიის წევრებისთვის მანდატის შეწყვეტის საკითხი.