მოკლედ: სამხრეთ აფრიკაში, ციხიდან გაათავისუფლეს ცნობილი პარაოლიმპიელი სპორტსმენი ოსკარ პისტორიუსი.

  • მას 13 წელი და 5 თვე ჰქონდა მისჯილი, თუმცა ჯერ მხოლოდ 9 წელი გავიდა.

რისთვის იხდიდა სასჯელს: პისტორიუსმა 2013 წლის 14 თებერვალს მეგობარი გოგო მოკლა.

  • რივა სტინკამპს მან საკუთარ სახლში გაუხსნა ცეცხლი.
  • პისტორიუსი, 9 წლის შემდეგ, პირობით ვადამდე გაათავისუფლეს.
  • სამხრეთ აფრიკაში, სასჯელის ვადის ნახევრის მოხდის შემდეგ, შესაძლებელია გასამართლებულთა საქმეების განხილვა პირობით ვადამდე გათავისუფლების მიზნით.
  • "ეს რივასთვის სამართლიანობის აღდგენაა? საკმარისად მოიხადა ოსკარმა სასჯელი? სამართლიანობა არასოდეს აღდგება, თუ შენი საყვარელი ადამიანი აღარასოდეს დაბრუნდება და პატიმრობის ვერანაირი ვადა ვეღარ დააბრუნებს რივას", — თქვა მოკლული გოგოს დედამ.

ბოლო ხაზი: ოსკარ პისტორიუსი უკვე სახლში იმყოფება.

  • 37 წლის ყოფილი სპორტსმენი, სავარაუდოდ, მისი ბიძის სახლში იცხოვრებს, პრეტორიის გარეუბანში. ის სწორედ ამ სახლში იმყოფებოდა წინასწარი პატიმრობის დროს 2015-2016 წლებში.