კაცი, რომელსაც პედოფილიაში ადანაშაულებდნენ, სავარაუდოდ, ლინჩის წესით გაასამართლეს, სცემეს და გარდაიცვალა. შინაგან საქმეთა სამინისტოში ამ საქმეზე გამოძიება დაწყებულია.

შსს-ში ამბობენ, რომ მათვის პედოფილიის სავარაუდო დანაშაულის შესახებ მას შემდეგ გახდა ცნობილი, რაც პირი გარდაიცვალა და რამდენიმე პირი გამოჰკითხეს.

უწყების პრესსამსახურის ინფორმაციით, საწყის ეტაპზე გამოძიება სისხლის სამართლის კოდექსის 126-ე მოხლით დაიწყო, რაც ცემას გულისხმობს. მას შემდეგ, რაც პირის მდგომარეობა დამძიმდა და გარდაიცვალა საქმე გადაკვალიფიცირდა და ახლა გამოძიება ამავე კოდექსის 117-ე მუხლით გრძელდება. ამ მუხლით, გათვალისწინებულია ჯანმრთელობის განზრახ მძიმე დაზიანება, რამაც გარდაცვალება გამოიწვია.

კაცი, 18 ივნისს გარდაიცვალა, თუმცა, ინფორმაცია პირველად PrimeTime-მა დღეს, 10 ივლისს გაავრცელა.