სამეფო კარის თამაშების ფანებისთვის 2026 წელი ერთ-ერთი საუკეთესო აღმოჩნდა — HBO-ზე, ისტორიაში პირველად, ერთდროულად ფრენჩაიზის ორი ახალი პროექტი გამოვიდა. პირველი შვიდი სამეფოს რაინდია (A Knight of the Seven Kingdoms), რომელშიც მთავარ როლებს პიტერ კლაფი და დექსტერ სოლ ანსელი ასრულებენ. სერიალი მე-2 სეზონისთვის ჯერ კიდევ 1-ელი სეზონის პრემიერამდე განახლდა და უკვე ოფიციალურად დადასტურდა, რომ ის HBO Max-ზე 2027 წელს დაბრუნდება. პარალელურად, მაყურებელი ამჟამად დრაკონის სახლის (House of the Dragon) მე-3 სეზონით ტკბება. ცნობილია, რომ სამომავლოდ შოუს კიდევ ერთ, ბოლო სეზონსაც ვიხილავთ.

ამ ყველაფერთან ერთად, იგეგმება სამეფო კარის თამაშების ახალი სტრატეგიული თამაში — War for Westeros. თამაშში ფანების საყვარელი პერსონაჟები — მათ შორის ჯონ სნოუ — ბრუნდებიან, მოთამაშეებს კი საშუალება ექნებათ, რომ სერიალის ფინალის ისტორია თავიდან დაწერონ. პროექტი გულშემატკივრებს შანსს აძლევს, ჯონ სნოუს როლი მოირგონ და ღამის მეფეს დაუპირისპირდნენ.

ნახეთ თამაშის ტრეილერი:

ანონსისას ვარაუდობდნენ, რომ პროექტი ოფიციალურად 2026 წლის ბოლომდე გამოვიდოდა, თუმცა სტუდია Playside-მა გამოაცხადა, რომ თამაში 2027 წლის დასაწყისში გახდება ხელმისაწვდომი.