ნიკოლოზ მემანიშვილმა, რომელიც საგარეო საქმეთა სამინისტროს სსიპ საქართველოს საერთაშორისო ხელშეკრულებათა თარგმნის ბიუროს დირექტორია, 2023 წელს შევსებულ დეკლარაციაში არ მიუთითა მის სახელზე არსებული უძრავი ქონება.

  • ამის შესახებ "საერთაშორისო გამჭვირვალობა — საქართველო" (*TI) ავრცელებს ინფორმაციას.

რა ქონება დამალა მემანიშვილმა დეკლარაციაში:

  • ბინა თბილისში, ი. პეტრიწის ქუჩაზე - 53 კვ.მ;
  • ავტოფარეხი თბილისში, პეტრიწის ქუჩაზე - 35.7 კვ.მ;
  • ბინა თბილისში, ნოდარ ბოხუას ქუჩაზე - 54.55 კვ.მ;
  • ორი ავტოფარეხი თბილისში, ნოდარ ბოხუას ქუჩა - 15 კვ.მ და 15 კვ.მ;
  • ბინა ბაკურიანში, თრიალეთის ქუჩაზე - 57.5 კვ.მ;
  • მიწის ნაკვეთი ბაკურიანში, ახალშენის ქუჩაზე - 652 კვ.მ (თანასაკუთრება);
  • მიწის ნაკვეთი თერჯოლის რაიონის სოფელ ზედა საზანოში - 4306 კვ.მ.

ნიკოლოზ მემანიშვილი, როგორც თანამდებობის პირი, ვალდებული იყო ეს ინფორმაცია სრულად აესახა მისი ქონებრივი მდგომარეობის დეკლარაციაში.

  • “საერთაშორისო გამჭვირვალობა - საქართველო” გეგმავს, მიმართოს ანტიკორუფციულ ბიუროს, შეისწავლოს ნიკოლოზ მემანიშვილის დეკლარაციაში გამოვლენილი დარღვევები და მოახდინოს შესაბამისი რეაგირება.

თუ თანამდებობის პირის ქონებრივ დეკლარაციაში დარღვევა გამოვლინდა:

კანონით,

  • ეძლევა გაფრთხილება;
  • დეკლარაციაში არსებითი დარღვევისას — ჯარიმდება თანამდებობრივი სარგოს 20%-ით, მაგრამ არანაკლებ 500 ლარისა;
  • მის ქმედებაში დანაშაულის სავარაუდო ნიშნების არსებობისას — საქმე ეგზავნება სამართალდამცავ ორგანოს.
  • დეკლარაციაში განზრახ არასრული, ან არასწორი მონაცემების შეტანა ისჯება ჯარიმით ან საზოგადოებისათვის სასარგებლო შრომით ვადით — 120-იდან 200 საათამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.