ლაიონ ტრანსი მომხმარებლებისა და პარტნიორების წახალისების მიზნით, 1 ოქტომბრიდან გათამაშებას იწყებს, რომელიც მონაწილეებს შესაძლებლობას აძლევს, სამი თვის განმავლობაში სხვადასხვა პრიზი მოიგონ.

კომპანია ლაიონ ტრანსი მომხმარებლებს თავის სერვისს უკვე 15 წელია სთავაზობს. კომპანიისთვის მთავარი სერვისის სისწრაფე, შეღავათიან ფასი და სანდოობაა, რასაც დიდწილად განაპირობებს პარტნიორების სიმრავლე, კარგი დაზღვევა და პროფესიონალთა გუნდი. საკუთარი სტრატეგიულად მდებარე საწყობები ამერიკაში, გადამზიდი პარტნიორები და ტერმინალი ფოთში კი, ავტომობილების ტრანსპორტირების პროცესის სისწრაფისა და ეფექტურობის გარანტია.

გათამაშების მიზანი მომხმარებლებისათვის ელექტრომობილებზე ხელმისაწვდომობის გაზრდაა. გათამაშების მრავალფეროვან პრიზებთან ერთად, გამარჯვებულს შესაძლებლობა აქვს, მთავარი პრიზი, ეკომეგობრული ავტომობილი VW ID.4 და Honda M-NV მოიგოს.

გათამაშება სამი ეტაპისგან შედგება — სამი თვის განმავლობაში, 5 ნოემბერს, 5 დეკემბერსა და 5 იანვარს, 20:00-ზე ტელეკომპანია ფორმულას პირდაპირ ეთერში და ლაიონ ტრანსის იუთუბ არხზე გათამაშდება პრიზები, რომელთა შორისაა უახლესი სმარტფონები, საწვავის ვაუჩერები, მოპედები და მთავარი პრიზები, ელექტრო ავტომობილები.

გაეცანი გათამაშების წესებსა და პირობებს:

გათამაშებაში მონაწილეობის მიღება შეუძლიათ მხოლოდ საქართველოს მოქალაქე ფიზიკურ პირებს, რომელთაც უკვე შეუსრულდათ 18 წელი. წამახალისებელ გათამაშებაში მონაწილეობის მიღება მარტივია — ის, ვინც გათამაშების პერიოდის განმავლობაში ავტომობილს შეუკვეთავს და ლაიონ ტრანსის სერვისით ისარგებლებს, ავტომატურად გათამაშების მონაწილე გახდება.

• თითოეულ მომხმარებელს, რომელიც შეუკვეთავს ავტომობილს, ენიჭება უნიკალური კოდი;
• მომხმარებელი მონაწილეობას იღებს იმ თვის გათამაშებაში, რომელ თვეშიც შეიძინა ავტომობილი;
• ავტოდილერი ვალდებულია, მიუთითოს ბილეთს იმ მომხმარებლის პირადი მონაცემები, ვისაც ეკუთვნის ავტომობილი;
• მომხმარებელი თითოეულ ავტომობილზე იღებს ერთ ბილეთს;
• გამარჯვებულები გამოვლინდებიან დოლურადან ბილეთის ამოღებით, შემთხვევითობის პრინციპით;
• დოლურადან ბილეთის ამოღების შემდეგ, გათამაშების წამყვანი დაურეკავს ბილეთის მფლობელს. თუ მომხმარებელი არ უპასუხებს ზარს 3 მცდელობის შემდეგ, წამყვანი ამოიღებს დოლურადან ახალ ბილეთს.

გათამაშებაში მონაწილეობის მისაღებად არ დაიშვებიან:

• 18 წლამდე ასაკის ფიზიკური პირები;
• იურიდიული პირები;
• არარეზიდენტი ფიზიკური/იურიდიული პირები;
• საქართველოს კანონმდებლობით განსაზღვრული პირები, რომლებსაც ეკრძალებათ გათამაშებაში მონაწილეობის მიღება.