"დარწმუნებული ვარ, აგრომეურნეობა საქართველოში ახლო მომავალში განვითარდება" — აგროსფეროს სტიპენდიატი, ივა ხვიჩია
აგრომეურნეობის პოპულარიზაცია, დარგით მეტი ახალგაზრდის დაინტერესება და კვალიფიციური კადრების მომზადება — ასეთია ინოვაციური სასოფლო-სამეურნეო პროდუქციისა და აგროტექნიკის იმპორტიორი კომპანიის, აგროსფეროს ერთ-ერთი პრიორიტეტი. სწორედ ამ მიზნით, მან გასულ წელს აგრარულ უნივერსიტეტთან ურთიერთთანამშრომლობის მემორანდუმი გააფორმა, რომლის ფარგლებშიც, აგროსფერო ყოველწლიურად აგრო-მიმართულებების 3 სტუდენტს სტიპენდიას გადასცემს. ამასთან, მათ და კიდევ 7 სტუდენტს აძლევს შესაძლებლობას გაიარონ სტაჟირება კომპანიის სერვისცენტრებში, პარტნიორი ფერმერების ნაკვეთებში, სადემონსტრაციო ვენახებსა და სათბურებში.
აგროსფეროს წლევანდელი სტიპენდიატები სასტიპენდიო პროგრამის მნიშვნელობაზე, პროფესიულ ინტერესებზე, სამომავლო გეგმებსა და საქართველოში აგრომეურნეობის გამოწვევებზე საუბრობენ. ამჯერად, ივა ხვიჩიას, აგრარული უნივერსიტეტის აგრონომიის პროგრამის მე-3 კურსის სტუდენტს გაიცნობთ.
ივა, რამ გადაგაწყვეტინათ აგრონომიის სწავლა?
სიმართლე გითხრათ, აგრონომიაზე ბევრი არაფერი ვიცოდი და არც განსაკუთრებული ინტერესი მქონია ამ სფეროს მიმართ. თუმცა სანამ უმაღლეს სასწავლებელში ჩავაბარებდი, აგრარულ უნივერსიტეტში გაცნობით შეხვედრაზე მივედი, მოვუსმინე ლექტორებს, რამაც ინტერესი გამიჩინა სოფლის მეურნეობის მიმართ. მოგვიანებით გავიაზრე ისიც, რომ ამ სფეროს დიდი მომავალი აქვს და გადავწყვიტე, აგრონომიას გავყოლოდი.
საიდან გაიგეთ აგროსფეროს სტიპენდიაზე? რა მიმართულებით აპირებთ სტაჟირების გავლას?
იმ სტუდენტებს ვიცნობდი, ვისაც აგროსფეროს სტიპენდია გასულ წელს ჰქონდათ დანიშნული, შემდეგ მეილზეც მივიღეთ შეტყობინება პროგრამის შესახებ. მასში მონაწილეობა მივიღე და ერთ-ერთი სტიპენდიატი გავხდი, რაც ძალიან მამოტივირებელი აღმოჩნდა ჩემთვის. სასიხარულოა, რომ გიფასდება შრომა, რომელიც სტუდენტობას ახლავს თან.
სტაჟირების გავლას სათბურში ვფიქრობ, რადგან სასათბურე მეურნეობა მაინტერესებს და მინდა, ამ მიმართულებით გავიღრმაო ცოდნა.
აგრომეურნეობაში არსებულ რა მთავარ პრობლემებს გამოყოფდით?
ვფიქრობ, ერთ-ერთი მთავარი პრობლემა არაკვალიფიცირებული კადრებია. მართალია, ჩვენს პროფესიაში უდიდესი მნიშვნელობა აქვს პრაქტიკას, მაგრამ ის თეორიული ცოდნითაც უნდა იყოს გამყარებული. სამწუხაროდ, ქართველ ფერმერებს სწორედ თეორიული ცოდნა აკლიათ და კიდევ უფრო სამწუხაროა ის, რომ ამას თავად პრობლემად არ მიიჩნევენ. საქართველოში ხელმისაწვდომია პროგრამები, უფასო ტრენინგები, რომლებზე დასწრების სურვილსაც ნაკლებად გამოხატავენ. ურჩევნიათ ისევ ჩვეულ, ძველ გზებს მიჰყვნენ. ფერმერთა ნაწილმა არც დღევანდელ ტექნოლოგიურ მიღწევებზე იცის ბევრი რამ.
კარგია ის, რომ ახალგაზრდების ინტერესი სოფლის მეურნეობის მიმართ იზრდება. დღეს ჩაბარების მხრივ, აგრარული უნივერსიტეტი მესამე, ხან მეოთხე ადგილზეა, რაც დიდი წარმატება მგონია. ასევე, მეტი ახალგაზრდა მიდის განათლების მისაღებად ევროპაში და დიდი ცოდნით ბრუნდება უკან. სწორედ ამიტომ დარწმუნებული ვარ, აგრომეურნეობა ჩვენს ქვეყანაში ახლო მომავალში აუცილებლად განვითარდება.
როგორ ხედავთ თქვენს პროფესიულ გზას?
ჯერ ზუსტად არ ვიცი რა განხრას ავირჩევ, ამიტომ ცოტა ხნით სხვადასხვა მეურნეობაში ვაპირებ პრაქტიკის გავლას. შემდეგ კი, აუცილებლად გავაგრძელებ მაგისტრატურის საფეხურზე სწავლას, რათა აგრონომია საფუძვლიანად შევისწავლო. ამ ეტაპზე ჩემი ინტერესები სასათბურე მეურნეობისკენ იხრება და ვინ იცის, იქნებ ოდესმე ჩემი სათბურიც მქონდეს.
-
-
გადახედვასანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს სანქციები, სავიზო შეზღუდვების გაფართოება, პირდაპირი დაფინანსების შეწყვეტა — რა წერია ამერიკელი სენატორების წერილში, რომელიც კობახიძეს გაუგზავნეს
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
კომენტარები