SpaceX-მა ორი Falcon 9 რაკეტა 49 საათიანი ინტერვალით გაუშვა, ერთი ნასას კენედის კოსმოსური ცენტრიდან (ფლორიდა) და მეორე ვანდენბერგის საჰაერო ძალების ბაზიდან (კალიფორნია). ასეთი მასშტაბური გაშვება SpaceX-ის ისტორიაში პირველია და კარგად მეტყველებს იმ ფაქტზე, რომ მომავალში რაკეტების ხელახალი გამოყენება ძალიან ეფექტური იქნება.

23 და 25 ივნისის გაშვებით, ილონ მასკის კოსმოსური ფრენების კომპანიამ მესამედ გამოიყენა უკვე გაშვებული რაკეტები: გაუშვა და უკან დასვა. ორბიტაზე ტვირთის წარმატებით გატანის შემდეგ, თითოეული რაკეტა დედამიწაზე დაბრუნდა და უსაფრთხოდ დაჯდა გემზე. მათ ინჟინრები შეამოწმებენ დაზიანებებზე და ალბათ გამზადდება მესამე გაშვებისთვის - ეს SpaceX-ს ჯერ არ უცდია.

23 ივნისს კომპანიის რაკეტამ ორბიტაზე ბულგარეთის პირველი საკომუნიკაციო თანამგზავრი გაიყვანა. 25 ივნისს კი, რაკეტამ კომპანია Iridium-ის ათი საკომუნიკაციო თანამგზავრი გაიყვანა, რომელიც გლობალურ თანამგზავრულ თანავარსკვლავედს შექმნის, სახელად Iridium NEXT.

ამ გაშვებების შემდეგ, მასკმა ტვიტერზე დაწერა, რომ მისი მიზანია რაკეტის ხელახლა გაშვება 24 საათში, ყველანაირი შემოწმებისა და გადახედვის გარეშე.

SpaceX-ის რაკეტით თანამგზავრის გატანა უკვე $300 მილიონით უფრო იაფია, ვიდრე სხვა კომპანიებისა. ფასები კიდევ უფრო დაიწევს.