ქვიზი: რომელი წიგნი უნდა წაიკითხო ზაფხულში?

თუ რომელიმე სეზონს კითხვის სეზონი უნდა ვუწოდოთ, ეს ნამდვილად ზაფხულია! სწორედ ახლა გვაქვს ყველაზე მეტი თავისუფალი დრო იმისთვის, რომ ჰამაკში, პიკნიკზე, სანაპიროზე თუ თუნდაც სახლში მოვკალათდეთ და ვიკითხოთ.

საზაფხულო საკითხავი თუ ჯერ არ შეგირჩევია, მაშინ ეს ქვიზი სწორედ შენთვისაა. გვიპასუხე რამდენიმე კითხვაზე და გეტყვით, რომელი წიგნი უნდა იყოს წელს შენი ზაფხულის მეგზური.

მაშ ასე, დავიწყოთ.

კითხვისას რა არის შენთვის ყველაზე მნიშვნელოვანი?

ამ ზაფხულში მინდა

სად აპირებ კითხვას?

წიგნის შერჩევისას, რას აქცევ ყურადღებას?

როგორია შენთვის იდეალური ზაფხული?

დაახასიათე საკუთარი თავი ერთი სიტყვით

რომელი წინადადება აღგწერს უკეთ?

პერსონაჟი რომ იყო, შენზე რა ჟანრის წიგნი დაიწერებოდა?

დროის მანქანა რომ გქონდეს, წარსულში იმოგზაურებდი თუ მომავალში?

დაბოლოს, რომელი პერსონაჟის გაცნობას ისურვებდი?

ქვიზი: რომელი წიგნი უნდა წაიკითხო ზაფხულში?

შენი საზაფხულო წიგნია: სიკვდილის ლურჯი ეკრანი

სულაკაურის გამომცემლობა

როგორც ჩანს თავგადასავლებისთვის მზად ხარ!

საზაფხულოდ კი სიკვდილის ლურჯ ეკრანს გირჩევთ. ეს ის წიგნია, რომლის სიუჟეტიც პირველივე გვერდიდან გაგიტაცებს და შეიძლება წიგნის გვერდით გადადებაც კი გაგიჭირდეს.

რომანის მთავარ გმირს იმერეთის ერთ პატარა სოფელში საოცარი ამბავი გადახდება თავს. ეს სამუდამოდ შეცვლის მის მსოფლმხედველობას და მისმა თავგადასავალმა, შესაძლოა, უახლოეს მომავალში მსოფლიოც შეცვალოს.

შენი საზაფხულო წიგნია: მკრთალი ლურჯი წერტილი

სულაკაურის გამომცემლობა

როგორც ჩანს, წინ საინტერესო აღმოჩენებით სავსე ზაფხული გელოდება!

გირჩევთ მკრთალი ლურჯი წერტილი წაიკითხო, რომლის ავტორიც ამტკიცებს, რომ კაცობრიობის გადარჩენის უმთავრესი გზა შესაძლოა, სწორედ სხვა სამყაროების ჭკვიანურად "გამოყენებაზე" გადიოდეს. ამ ამაღელვებელ წიგნში სეიგანი განმარტავს, როგორ შეცვალა სამეცნიერო აღმოჩენებმა ადამიანში როგორც საკუთარი თავის აღქმა, ისე მომავლის ხედვა.

შენი საზაფხულო წიგნია: გზა შუქურისკენ

როგორ ჩანს, უპირატესობას კლასიკას და ნაცნობ ავტორებს ანიჭებ და გამონაკლისი არც ეს ზაფხული იქნება. ამიტომ გირჩევთ ვირჯინია ვულფის გზა შუქურისკენ წაიკითხო.

რომანი პირველი მსოფლიო ომის წინა და შემდგომი პერიოდის ზედა საშუალო კლასის ინგლისელი ოჯახის, რემზების ცხოვრებას ეძღვნება. მოქმედება ვითარდება ჰებრიდის კუნძულებზე, ცნობილი მეცნიერის, მისტერ რემზისა და მისი მეუღლის აგარაკზე — მათი მრავალრიცხოვანი სტუმრების დიდი მიზიდულობის ცენტრში. დანარჩენს კი უკვე თავადაც გაიგებ.

შენი საზაფხულო წიგნია: მშვენიერო სამყაროვ, სად ხარ

როგორც ჩანს, შენთვის ადამიანებს შორის არსებული ნებისმიერი ტიპის ურთიერთობა საინტერესოა. სწორედ ამიტომ გირჩევთ წაიკითხო მშვენიერო სამყაროვ, სად ხარ.

რომანის მთავარი გმირები, ელისი და აილინი, კოლეჯის საუკეთესო მეგობრები, ცხოვრების გარკვეულ მონაკვეთს ერთმანეთისგან მოშორებით ატარებენ. ელისი ცნობილი მწერალია, რომელმაც პირველი ორი რომანით გაითქვა სახელი, აილინი კი დუბლინის ერთ-ერთ ლიტერატურულ ჟურნალში რედაქტორის ასისტენტად მუშაობს. მეგობრები ელექტრონული ფოსტით უზიარებენ ერთმანეთს თავიანთი ცხოვრების მნიშვნელოვან ფაქტებს, ჰყვებიან რომანტიკულ ურთიერთობებზე.

შენი საზაფხულო წიგნია: ორ ზღვას შუა

როგორც ჩანს, მზად ხარ რომ კითხვისას სიცილი ბევრჯერ წაგსკდეს და გარშემომყოფები დააინტერესო, რა გაცინებს ასე გულიანად. დიახაც, ხანდახან მოთხრობებიც არის იმდენად სასაცილო, რომ ძალიან ბევრი გაცინოს. განსაკუთრებით მაშინ, როდესაც ორ ზღვას შუას კითხულობ.

ორ ზღვას შუა იყო ერთი პატარა ქვეყანა, სადაც დიდსა თუ პატარას ერთმანეთთან კამათს და ლაზღანდარობას არაფერი ერჩივნა. კამათობდნენ და ოხუნჯობდნენ ყველაფერზე, მათ შორის, მათთვის სრულიად უცნობ საკითხებზეც. ხშირად ისე გაცხარდებოდნენ, საქმე ერთმანეთის ლანძღვა-გინებამდეც მიდიოდა.

მარი ბექაურის იუმორისტული მოთხრობების კრებულში თავმოყრილი სასაცილო თუ ახირებული ამბები, ერთი შეხედვით, აბსურდულია. რაც უნდა დაუჯერებლად ჩანდეს, თუ დაუფიქრდებით, მიხვდებით, რომ მსგავსი ისტორიები თქვენ გარშემოც არაერთხელ მომხდარა.

ბოლო ამბები:

გირჩევთ