რა მოხდა: გუშინ, 21 ივნისს TV მონიტორინგის ჟურნალისტი და ოპერატორი კლინიკა გორმედში მოქალაქეების შეტყობინების შემდეგ მოვიდნენ, რომლის მიხედვითაც, რეგისტრატურასთან საათობით რიგში უწევდათ დგომა, რაც სამედიცინო მომსახურებას აფერხებდა.

  • გადამღები ჯგუფის კლინიკაში გამოჩენას გორმედის დაცვის თანამშრომლის მხრიდან აგრესია მოჰყვა.
  • კადრებში ჩანს, რომ ის კამერას ხელს უტყამს და ტექნიკის დაზიანებას ცდილობს.

ჟურნალისტიკური ეთიკის ქარტია მოუწოდებს შესაბამის უწყებებს, გააცნობიერონ თავიანთი ვალდებულება და უზრუნველყონ მედიასაშუალებებისთვის უსაფრთხო სამუშაო გარემო.

  • აღნიშნავენ, რომ ბოლო პერიოდში ჟურნალისტებზე გახშირებული თავდასხმების გამომწვევი ფაქტორები მედიის წარმომადგენლების მიმართ დანაშაულების გაჭიანურებული და გამოუძიებელი საქმეებია.
  • "ასეთი თავდასხმები შეიძლება გამოიწვიოს მმართველი პარტიის წარმომადგენლების აგრესიულმა დამოუკიდებულებამ ჟურნალისტების მიმართ".
  • On.ge იმის გასარკვევად, დაიწყო თუ არა გამოძიება, სპეციალურ საგამოძიებო სამსახურს დაუკავშირდა და მათგან პასუხს ელოდება.