რატომ არის მნიშვნელოვანი: ღარიბაშვილმა გუშინ მორიგი საერთაშორისო ტრიბუნა ისევ ანტიდასავლური განცხადებების გასაკეთებლად გამოიყენა.

• დასავლელი პოლიტიკოსებისა და ექსპერტების კრიტიკის მთავარი საგანი კი გახდა ის, რომ გლობალური უსაფრთხოების ფორუმზე მან რუსეთის უკრაინაში შეჭრის ერთ-ერთ მთავარ მიზეზად NATO-ში გაწევრიანების სურვილი დაასახელა.

პაპუაშვილი ამტკიცებს, რომ ღარიბაშვილის განცხადებამ "არასწორი და განზრახ დამახინჯებული ინტერპრეტაციები გამოიწვია".

• მისი თქმით, საქართველოს აქვს სიტყვის უფლება, როცა საქმე რეგიონულ და საერთაშორისო უსაფრთხოებას ეხება და პრემიერმინისტრის სიტყვები "სწორად უნდა იყო გაგებული".
• "ჩვენ გვაქვს უფლება ეჭვქვეშ დავაყენოთ ზოგიერთი ჩვენი მეგობრის და კრიტიკოსის დამოკიდებულება, რადგან საქართველო არაერთხელ გამხდარა უსამართლო, თითქმის ფარისევლური მოპყრობის ობიექტი", — წერს ის.
• ეპალირებს იმაზე, რომ ღარიბაშვილის პრემიერმინისტრობის დროს საქართველომ ყველაზე დიდი სამხედრო პერსპონალი შეიყვანა ავღანეთში NATO-ს ოპერაციებში.
• ამის შემდეგ კი დასავლეთს "გაურკვეველ პოზიციასა" და აგვისტოს ომის შემდეგ საქართველოსთვის არასაკმარის მხარდაჭერაში ადანაშაულებს.
• "ოკუპაციის ქვეშ საქართველოს არასტაბულური არსებობისა, მუქარისა და შევიწროების ყოველდღიური გამოცდილების მიუხედავად, დასავლეთმა კვლავ გაურკვეველი პოზიცია შეინარჩუნა".
• საუბრობს დასავლეთის ქვეყნების მიერ 2008 წელს საქართველოსთვის იარაღის დე ფაქტო ემბარგოს დაწესებასა და მომდევნო წლებში მოსკოვთან საგარეო ვაჭრობის "უპრეცედენტო დონემდე გაზრდაზე".
• "დასავლეთის ბევრ ქვეყანას დღემდე ეშინია, რომ რუსეთის ქმედებებს საქართველოში ოკუპაცია უწოდოს".

დეტალები: პაპუაშვილი ამბობს, რომ საქართელოს "პრორუსულობაში" ახლა აუხსნელად აკრიტიკებენ და ამტკიცებს, რომ ყველაფერი, რაც სახელმწიფომ გააკეთა "რუსეთის მიმართ სტსტრატეგიული მოთმინების პოლიტიკის" გაგრძელებაა.

• "ეს პოლიტიკა გულისხმობს რუსეთის წინააღმდეგ ორმხრივი სანქციების არდაწესებას და საქართველოსთან პირდაპირი ფრენების აღდგენის გამო, რომლითაც ჩვენი ხალხის მიმართ უსამართლო სასჯელი გაუქმდა, საპასუხო სანქციების არდაწესებას".
• ასევე, ირწმუნება, რომ საქართველოს მოქალაქეები უარყოფითად აღიქვამენ დასავლელი პარტნიორების ასეთ "არათანმიმდევრუ და უსაფუძვლო კრიტიკას".
• ამის შემდეგ, საუბრობს იმაზე, რომ საქართველოში რუსეთის ომი უფრო არანაკლებ სასტიკი იყო, ვიდრე უკრაინაში, იმ დროს კი ამას "დასავლეთის არანაირი რეაქცია არ მოჰყოლია".
• "მეორე, მიუხედავად იმისა, რომ საქართველოს დასავლეთის მხრიდან უსაფრთხოების გარანტიები პრაქტიკულად არ გააჩნია, ჩვენს ქვეყანას მუდმივად მოუწოდებენ, "გაბედულად" იმოქმედოს. ეს უცნაურია, რადგან ჩვენს სტრატეგიულ პარტნიორებს კარგად ესმით, რომ საქართველოს არ შეუძლია ისეთივე წინააღმდეგობა გაუწიოს რუსეთს, როგორც NATO-ს მე-5 მუხლის მფარველობის ქვეშ მყოფ მოკავშირე ქვეყნებს".

გარდა ამისა, პრაგმატულს უწოდებს საქართველოს პოზიციას, რუსეთისთვის სანქციების, არდაწესებაზე და ამას კვლას ეკონომოკის განადგურების თავიდანაცილებით ხსნის შემდეგ კი ამბობს, რომ არასდროს დაუშვებენ "საქართველოს გავლით სანქციებისთვის გვერდის ავლას".

• დასავლეთს საყვედურობს იმისთვის, რომ მცდელობის მიუხედავად, საქართველო "დამსახურებულ ნაბიჯებს არასდროს იღებს".
• "NATO-სა და ევროკავშირში შესვლის მცდელობების მიუხედავად, ჩვენ არასოდეს ვიღებთ დამსახურებულ საპასუხო ნაბიჯებს დასავლეთისგან. საქართველო გასულ წელს კანდიდატის სტატუსის გარეშეც კი დარჩა, მიუხედავად იმისა, რომ ასოცირებულ სამეულში აშკარა წინამორბედები ვიყავით".
• "უკვე 15 წელზე მეტია, ბურთი დასავლეთის მხარესაა, როგორც ევროკავშირის, ისე NATO-ს მოენანზე.