10 იანვარს, 17:00-ზე პროფესიული კომუნების, ESM-ელების და "მთა თავისუფლებისთვის" მარში გაიმართება. შეკრებილები რესპუბლიკის მოედანზე შეიკრიბებიან და მსვლელობით პარლამენტისკენ წავლენ. მათი მოთხოვნა რეჟიმის პოლიტპატიმრების გათავისუფლება და ახალი არჩევნების ჩანიშვნაა.

"გავერთიანდეთ HR პროფესიონალები, მარკეტერები, IT/Tech პროფესიონალები, იურისტები, ESM-ელები, "მთა თავისუფლებისთვის" და სხვა კომუნები!

დავიწყოთ მსვლელობა რესპუბლიკის მოედნიდან პარლამენტამდე.

ბევრი ინდივიდუალური საპროტესტო მარშის შემდეგ და ძალისხმევის შედეგად, ჩვენ დავინახეთ ერთობის ძალა. ახლა დროა, კვლავ გავაერთიანოთ ჩვენი ხმები და ძალა საერთო მიზნისთვის.

ჩვენი შეკრების და მსვლელობის მიზნობრიობა უცვლელია:

კატეგორიულად ვგმობთ საქართველოს კონსტიტუციის დარღვევასა და ევროკავშირის გზიდან გადახვევას, ასევე, ძალოვანი სტრუქტურების მიერ მომიტინგეების სასტიკად დარბევასა და ცემას.

ჩვენ სრულად ვიზიარებთ ქვეყანაში მიმდინარე პროტესტის მოთხოვნებს:

რეჟიმის პოლიტპატიმრების გათავისუფლებას;

ახალი არჩევნების ჩანიშვნას;

ვეწინააღმდეგებით ძალადობას მოქალაქეების მიმართ;

ვითხოვთ მოქალაქეებზე ძალადობაში პასუხისმგებელი პირების დასჯას;

მოუწოდეთ სხვა პროფესიულ კომუნებს შემოუერთდნენ მსვლელობას!

წამოიღეთ დროშები, ბანერები, სასტვენები!

მშვიდად, მტკიცედ, ერთად - გამარჯვებამდე!", — წერია განცხადებაში.