რუსთაველის გამზირზე 41-დღიანი უწყვეტი პროტესტი მიმდინარეობს.

პროევროპული აქციის მონაწილეები პარლამენტის შენობის წინ უცვლელი მოთხოვნით შეიკრიბნენ — ჩატარდეს ახალი არჩევნები და გამოუშვან აქციების პერიოდში დაკავებული პირები.

ცნობისთვის, ერთ თვეზე მეტია მოქალაქეები პრემიერმინისტრის 28 ნოემბრის განცხადებას აპროტესტებენ, რომლის მიხედვითაც, ხელისუფლებამ მიიღო გადაწყვეტილება, 2028 წლის ბოლომდე დღის წესრიგში არ დააყენონ ევროკავშირთან მოლაპარაკებების გახსნის საკითხი.