"მაკკეინის ინსტიტუტში სტიპენდია დამსახურებული აღიარებაა საქართველოს ლეგიტიმური პრეზიდენტის, სალომე ზურაბიშვილისთვის.

იმავდროულად, იმის გათვალისწინებით, თუ რამდენად სწრაფად მიდიხარ ორკისტანის ორბიტაში, შალვა პაპუაშვილო, ყველაზე დიდი პატივი, რომელსაც სავარაუდოდ ელოდებით, არის სტიპენდია ურალის სახელმწიფო სამთო უნივერსიტეტში", — ამის შესახებ ევროპარლამენტარი რიჰარდ კოლსი X-ზე წერს და ოცნების პარლამენტის თავმჯდომარის, შალვა პაპუაშვილის განცხადებას ეხმაურება, რომელმაც მაკკეინის ინსტიტუტი სალომე ზურაბიშვილისთვის სტიპენდიის მინიჭების გამო გააკრიტიკა. პაპუაშვილმა თქვა, რომ მაკკეინის ინსტიტუტში სტიპენდიატობა ღია მხილებაა იმისა, რომ "სალომე ზურაბიშვილი საქართველოში უცხო ჯგუფების გავლენებს ატარებდა".

მაკკეინის ინსტიტუტმა კისინჯერის სტიპენდიატად საქართველოს მე-5 პრეზიდენტი სალომე ზურაბიშვილი 6 იანვარს დაასახელა.