ჯასტინ ტრუდო ტრამპს: მცირე შანსიც კი არ არსებობს, რომ კანადა აშშ-ს ნაწილი გახდეს

"მცირე შანსიც კი არ არსებობს იმისა", რომ კანადა შეერთებული შტატების ნაწილი გახდეს", — ასე გამოეხმაურა კანადის პრემიერმინისტრი, ჯასტინ ტრუდო აშშ-ს არჩეული პრეზიდენტის დონალდ ტრამპის განცხადებას იმის შესახებ, რომ “ის მზადაა გამოიყენოს ეკონომიკური და არა სამხედრო ზომები იმისათვის, რომ კანადა აშშ-ს 51-ე შტატად აქციოს”. ამის შესახებ ტრამპმა, 7 იანვარს მარ-ა-ლაგოს რეზიდენციაში გამართულ პრესკონფერენციაზე გააკეთა.

"მცირე შანსიც კი არ არსებობს, რომ კანადა შეერთებული შტატების ნაწილი გახდეს. ორივე ქვეყანაში დასაქმებულები და ადგილობრივები ერთმანეთთან სავაჭრო და უსაფრთხოების სფეროში პარტნიორობით სარგებლობენ, — წერს ტრუდო X-ზე.

There isn’t a snowball’s chance in hell that Canada would become part of the United States.

Workers and communities in both our countries benefit from being each other’s biggest trading and security partner.
— Justin Trudeau (@JustinTrudeau) January 7, 2025

ტრამპი ტრუდოს მიერ გადადგომასთან დაკავშირებით გაკეთებულ განცხადებას სოციალურ ქსელ Truth Social-ზე გამოეხმაურა. ის წერს, რომ ეს ნაწილობრივ ეკონომიკური პრობლემებითაცაა გამოწვეული.

"აშშ ვეღარ აიტანს მსხვილ სავაჭრო დეფიციტსა და სუბსიდიებს, რაც კანადას სჭირდება. ჯასტინ ტრუდომ იცოდა ეს და გადადგა. …კანადა აშშ-სთან რომ გაერთიანებულიყო, არ იქნებოდა ტარიფები, გადასახადები დაიწევდა, და ისინი სრულად დაცულები იქნებოდნენ რუსული და ჩინური გემებისგან, რომლებიც მუდამ მათ გარშემო დაცურავენ. ერთად, რა საოცარი ერი იქნებოდა!" – წერს ტრამპი.

ამავე თემაზე:

ბოლო ამბები:

გირჩევთ