რუსეთის საგარეო საქმეთა მინისტრმა, სერგეი ლავროვმა დღეს განაცხადა, რომ ოთხშაბათს კრემლზე დრონებით თავდასხმა იყო "მტრული აქტი", რომელსაც რუსეთი "კონკრეტული ქმედებებით" უპასუხებს.

დეტალები: ლავროვმა არ უპასუხა ჟურნალისტის კითხვას, არის თუ არა კრემლზე თავდასხმა casus belli.

  • Casus belli" არის ლათინური ტერმინი ქმედებისთვის, რომელიც ამართლებს ომს.
  • რუსეთის უკრაინაში უკვე მე-15 თვეა ომს აწარმოებს, რომელსაც "სპეციალური სამხედრო ოპერაციას" უწოდებს.

კონტექსტი: 3 მაისის ღამეს ორმა უპილოტო თვითმფრინავმა კრემლზე თავდასხმა სცადა. თავდასხმას მსხვერპლი არ მოჰყოლია. ინციდენტის შესწავლის პროცესში, კრემლმა ახალი აღმოჩენა გააკეთა.

  • კრემლის სპიკერის, დიმიტრი პესკოვის განცხადებით, თავდასხმის უკან აშშ იდგა, რადგან უკრაინის მთავრობა აშშ-ის მიღებული გადაწყვეტილებებით ხელმძღვანელობს.
  • პესკოვმა თქვა: "ამის უარყოფის მცდელობები, როგორც კიევში, ასევე ვაშინგტონში, რა თქმა უნდა, აბსოლუტურად სასაცილოა".
  • "ჩვენ კარგად ვიცით, რომ გადაწყვეტილებებს მსგავს ქმედებებზე, ტერორისტულ თავდასხმებზე არა კიევში, არამედ ვაშინგტონში იღებენ", — დასძინა მან.
  • თეთრი სახლის ეროვნული უსაფრთხოების სპიკერმა, ჯონ კირბიმ განაცხადა: "ჩვენ ნამდვილად არ ვკარნახობთ პირობებს, რომლითაც ისინი თავს იცავენ ან ოპერაციებს, რომლებსაც ისინი ატარებენ".

რატომ არის მნიშვნელოვანი: თავდაპირველად, რუსეთის ხელისუფლებამ მომხდარში "კიევის რეჟიმი" დაადანაშაულა და საპასუხო ქმედებები დააანონსა.

  • კრემლში განაცხადეს, რომ მომხდარს რუსეთის პრეზიდენტის ვლადიმერ პუტინის სიცოცხლის მოსპობის მცდელობად მიიჩნევენ.
  • მედიაში ჩნდება ვარაუდი, რომ რუსეთის პრეზიდენტის მაღალი დაცვის პირობებში, დაუჯერებელია ფაქტი, რომ უცხო თვითმფრინავი კრემლის ტერიტორიაზე მოხვდა.
  • პოდოლიკის შეფასებით, რუსეთს ეშინია უკრაინის მოახლოებული კონტრშეტევის და "რამენაირად ცდილობს ინიციატივის ხელში ჩაგდებას, ყურადღების გადატანას, კატასტროფული ამბების შექმნას".