თიანეთის მუნიციპალიტეტის მერის ლევან წიკლაურის ინიციატივით, ახალშობილთა ოჯახების ერთჯერადი ფინანსური დახმარება გაიზარდა.

მერის ინიციატივით, ახალშობილთა ოჯახები ერთჯერადი დახმარება ყოველ მომდევნო შვილზე 1500 ლარით გაიზრდება.

"პირველი შვილის შეძენისას ოჯახი მიიღებს ერთჯერად ფინანსურ დახმარებას 1500 ლარის ოდენობით. მეორე შვილის შეძენისას ოჯახი მიიღებს ერთჯერად ფინანსურ დახმარებას 3000 ლარის ოდენობით. მესამე და ყოველი მომდევნო შვილის შეძენისას დახმარების თანხა გაიზრდება 1500 ლარით ( მესამე შვილი – 4500 ლარი; მეოთხე შვილი – 6000 ლარი და ა.შ.)" — ვკითხულობთ დადგენილებაში.

დადგენილებაში ასევე ვკითხულობთ, რომ ოჯახი ტყუპებზე 10 000 ლარის ერთჯერად დახმარებას მიიღებს.

გარდა ახალშობილებისა, მერის ინიციატივით ფულადი დახმარება 1 წლამდე ბავშვის ოჯახებსაც გადაეცემათ ფულადი დახმარება. ფულად დახმარებაში ერთ შვილზე, 150 ლარი იგულისხმება.

ფინანსური დახმარების მისაღებად, მერიაში მშობლის განაცხადი უნდა დაფიქსირდეს ბავშვის დაბადებიდან 3 თვის განმავლობაში. ამასთან, აუცილებელია, ორივე მშობელი რეგისტრირებული იყოს თიანეთის მუნიციპალიტეტში. ორივე მათგანს მინიჭებული ჰქონდეს "მაღალმთიან დასახლებაში მუდმივად მცხოვრები პირის" სტატუსი, რაც ნიშნავს იმას, რომ კალენდარული წლის განმავლობაში ჯამში 9 თვე ან 9 თვეზე მეტი ვადით ფაქტობრივად ცხოვრობდეს თიანეთის მუნიციპალიტეტში.