On.ge ვაცხადებთ სტაჟირების სამთვიან პროგრამას ცნობისმოყვარე ახალგაზრდებისთვის, 18 წლიდან.

გამოგვეხმაურე, თუ:

  • გაინტერესებს ახალი ამბები, საზოგადოება, კულტურა, ჯანმრთელობა და თანამედროვე ცხოვრების სტილი;
  • ცნობისმოყვარეობა არ გასვენებს და ყოველდღე საინტერესო ამბების აღმოჩენა გინდა;
  • გეჩქარება, რომ ახალი ამბავი სხვასაც გაუზიარო;
  • მუსიკა, კინო, მოდა, ჯანმრთელობა ან ტრენდები შენი ყოველდღიურობის ნაწილია;
  • იცი ინგლისური ენა და შეგიძლია უცხოენოვანი წყაროებიდან ინფორმაციის მოძიება და თარგმნა.

ვაკანსია ჰიბრიდულია (ნახევრად დისტანციური), შენგან კი ნახევარგანაკვეთიან დატვირთვას მოვითხოვთ.

გასწავლით ყველაფერს, რაც ახალი ამბების, კულტურისა და ცხოვრების სტილის ჟურნალისტმა უნდა იცოდეს. გექნება საშუალება, შეიძინო ახალი პროფესია და ჩვენი გუნდის წევრი გახდე.

როგორ შევუერთდე?

თუ ჩვენი სტაჟირების გავლა გინდა, 20 მაისამდე შეავსე განაცხადი ამ ბმულზე და ჩვენს გამოხმაურებას დაელოდე. დავუკავშირდებით მხოლოდ შერჩევის მეორე ეტაპზე გადასულ კანდიდატებს, რომლებსაც გასაუბრება ჩაუტარდებათ, საბოლოოდ კი ჩვენგან საცდელ დავალებას მიიღებენ.

თუ დამატებითი კითხვები გაქვს, მოგვწერე ამ მეილზე: info@on.ge