ინფორმაცია On.ge-ს სახელმწიფო უსაფრთხოების სამსახურმა დაუდასტურა.

რატომ არის მნიშვნელოვანი: უწყებაში ამბობენ, რომ საოკუპაციო ძალის აღნიშნული უკანონო ქმედება წარმოადგენს საოკუპაციო ხაზის ორივე მხარეს მცხოვრები მოსახლეობის ფუნდამენტური უფლებებისა და თავისუფლებების შეზღუდვის მორიგ აქტს.

  • სუს-ის ამბობს, რომ ქმედება აუარესებს როგორც ადგილზე არსებულ ჰუმანიტარულ, ისე უსაფრთხოების გარემოს.

სახალხო დამცველის განცხადებით, საყურადღებოა, რომ დე ფაქტო ხელისუფლების მიერ გადაადგილებაზე დაწესებული ხელოვნური შეზღუდვები უმეტესად, დღესასწაულებს ემთხვევა.

  • "ე.წ. გამშვები პუნქტების, რომლებიც ერთადერთი დამაკავშირებელი საშუალებაა საქართველოს კონტროლირებად ტერიტორიასთან, ხშირი და არაპროგნოზირებადი ჩაკეტვა, ზღუდავს ოკუპირებულ აფხაზეთში მაცხოვრებლების გადაადგილების თავისუფლებასა და საარსებო წყაროების მისაღებად გაუმართლებელ დაბრკოლებებს წარმოშობს", — ნათქვამია სახალხო დამცველის განცხადებაში.
  • მათი თქმით, მნიშვნელოვანია აღინიშნოს, რომ ოკუპირებული გალის მაცხოვრებლებისთვის ენგურის ხიდი და საბერიო-ფახულანის გადასასვლელი, მხოლოდ ე.წ. გამშვები პუნქტი არ არის.
  • ის ოკუპირებულ აფხაზეთში მცხოვრები ქართველებისთვის განათლებასთან, უკეთეს, ხარისხიან სამედიცინო სერვისებთან, უფრო იაფ პროდუქტებთან, პენსიის აღებასთან, ოჯახის წევრებთან, ნათესავებთან დამაკავშირებელი გზაა და მათთვის სასიცოცხლოდ მნიშვნელოვანია.

დეტალები: ომბუდსმენის აპარატის განმარტებით, ე.წ. გამშვები პუნქტების ჩაკეტვა, განსაკუთრებით, უარყოფითად აისახება ასაკოვან მოსახლეობაზე, რომელიც ოკუპირებულ ტერიტორიაზე მარტოა დარჩენილი და ვერ ახერხებს ოჯახის სხვა წევრებთან გადმოსვლას.

  • "ყოველივე ზემოაღნიშნულის გათვალისწინებით, სახალხო დამცველი მოუწოდებს ხელისუფლებას — საერთაშორისო თანამეგობრობის დახმარებით, აწარმოოს მოლაპარაკებები, რათა საოკუპაციო რეჟიმმა დაიცვას მოსახლეობის გადაადგილების თავისუფლება", — ნათქვამია განცხადებაში.
  • კერძოდ, დაიცვას ეს უფლება ადმინისტრაციული სასაზღვრო ხაზის მთელ პერიმეტრზე უკანონო შეზღუდვების მოხსნის გზით და ე.წ. გადასასვლელების შეუფერხებელი ფუნქციონირებით.