თავისუფლად შეიძლება ითქვას, რომ ინტერნეტის ეპოქაში ემოჯიები ცალკე ენად ჩამოყალიბდა. ეს უნივერსალური ენაა, რომლის სწავლა სულაც არ მოითხოვს ბრუნვებისა და უღლებების დაუსრულებლად ჩამოწერას.

ამის მიუხედავად, ამა თუ იმ ემოჯის სხვადასხვა თაობაში განსხვავებული მნიშვნელობა შეიძლება ჰქონდეს. მით უმეტეს, როცა საქმე Gen Z-ის ეხება — სულ მთლად ინტერნეტის ეპოქაში დაბადებულ თაობას, რომელმაც ვირტუალური კომუნიკაციის ამ ფორმას სხვა დატვირთვა მისცა. რამდენიმე ყველაზე გავრცელებული ემოჯის მნიშვნელობას კი ქვემოთ განგიმარტავთ.

1. ტირილი

რაც უნდა გასაკვირი იყოს, ალბათ ყველაზე სევდიან ემოჯის ჯენზიმ სრულიად საპირისპირო დატვირთვა მისცა და ჩვენი თაობის ვირტუალურ ენაში ის ცრემლებამდე სიცილის გამოსახატავად გამოიყენება.

2. კლოუნი

როგორ უნდა მივანიშნოთ ადამიანს ინტერნეტში, რომ სისულელეს როშავს? უბრალოდ, გამოიყენეთ კლოუნის ემოჯი. არაფრისმთქმელი სიტყვების ნაცვლად.

3. ცეცხლი

ასე გამოვხატავთ ჯენზი რამით (ან ვინმეთი) მოხიბვლას და აღფრთოვანებას.

4. თავის ქალა

ცრემლებამდე სიცილის გარდა, არსებობს გამოთქმა "მოვკვდი სიცილით". ასეთი ბუმერული ფრაზების თავიდან ასაცილებლად, საუკეთესო გამოსავალი სწორედ თავის ქალის ემოჯის გამოყენებაა.

5. შეტყუპებული ხელები

ამ ემოჯიზე ჯერ კიდევ ვერ შეთანხმდა ხალხი, ლოცვის გამომხატველია თუ ხელის ხელზე მიტყაპუნების. თუმცა, ჯენზისთვის დიდი მნიშვნელობა არც აქვს, რადგან ამ თაობაში ის სულ სხვა მნიშვნელობით გამოიყენება — მადლიერების გამოსახატავად.

6. მანიკიური

ამ ემოჯის ახსნა ალბათ ყველაზე რთულია. ის გამოიყენება ისეთ სიტყვებთან და ფრაზებთან ერთად, როგორიცაა "slay" ან "we stan". ამდენად, მიანიშნებს, რომ ვიღაც ან რაღაც ძაან ქულ არის.

7. მოცეკვავე ქალი

მანიკიურის მსგავსი მნიშვნელობა აქვს მოცეკვავე ქალის ემოჯისაც. ისიც, მეტწილად, შესაქებად გამოიყენება და იმავეს გამოხატავს, რასაც, მაგალითად, ფრაზა "ყოჩაღ, ასე გააგრძელე".

8. შეტყუპებული თითები

ემოჯიების კომბინაციის გამოყენება მასობრივად სწორედ ჯენზიმ დაიწყო. ეს კონკრეტული მაგალითი კი მორიდებულ თხოვნას აღნიშნავს.

9. თვალები და პირი

ესეც ემოჯიების კიდევ ერთი კომბინაცია. თვალებს შორის მოქცეული პირი მეტისმეტ გაოცებას აღნიშნავს — "ყბა ჩამომივარდა" ან "პირი ღია დამრჩაო", რომ იტყვიან, ეგეთი რეაქციაა ინტერნეტში, მოკლედ.

10. ღიმილი

ამ ცნობილი ემოჯის პირვანდელი დანიშნულება, მგონი, ისედაც ყველას დავიწყებული აქვს. ის ჯერ, უბრალოდ, კარგ განწყობას გამოხატავდა, შემდეგ "სწერვობას", ხოლო ჯენზი თაობაში უკვე სარკასტული დამოკიდებულების აღმნიშვნელია. აი, მილენიალები რომ უთვალავ ფრჩხილს იყენებენ, ხოლმე, მაგის მსგავსი. )))))