8 მარტს ქალთა მოძრაობა მთელ საქართველოში მარშს გამართავს.

რატომ არის მნიშვნელოვანი: მათი განცხადებით, მარშში მონაწილეობა უნდა მიიღოს ყველამ, ვის ცხოვრებასაც მნიშვნელოვნად აუარესებს რუსული კანონის მიღება.

  • განმარტავენ, რომ რუსული კანონით მათი უფლებები საფრთხეშია და მხარდაჭერის დაკნინებისა და აკრძალვის შედეგად, ზიანდება მთლიანად საქართველოს მოსახლეობა.
  • მარში საქართველოს 10 ქალაქში გაიმართება.

დეტალები: ამბობენ, რომ რეგიონში მცხოვრები, მიგრანტი, ეთნიკური და რელიგიური უმცირესობების წარმომადგენელი, მარტოხელა დედები, შშმ ბავშვების მშობლები, კონფლიქტის ზონაში მცხოვრები მოსახლეობა და სხვა მრავალი ადამიანი არასამთავრობო ორგანიზაციების მეშვეობით უმნიშვნელოვანეს მხარდაჭერას იღებს.

  • ქალთა მოძრაობის განცხადებით, არ იარსებებს უამრავი სასიცოცხლოდ მნიშვნელოვანი სერვისი, ზრუნვაზე, განათლებასა და სამედიცინო მომსახურებაზე წვდომა,
  • "ვერ დავიცავთ თავს მოძალადეებისგან, არ გვექნება შრომის ელემენტარული პირობები, ბედის ანაბარად მიტოვებული ვრჩებით საზოგადოების უამრავი ჯგუფი — შშმ პირები, ქალები, ბავშვები, და ამ სავალალო მდგომარეობას არავინ გააშუქებს, რადგან არ იარსებებს დამოუკიდებელი და ეთიკური მედია", — ნათქვამია განცხადებაში.
  • ამბობენ, რომ სახელმწიფო, რომელიც ისედაც არ ასრულებს მასზე დაკისრებულ მოვალეობებს ახლა გეგმავს, შეიჭრას მათ პირად სივრცეში და ტოტალური კონტროლით შეგვიზღუდოს წვდომა საბაზისო უფლებებსა და მხარდაჭერაზე.