ევროკავშირს არ დახმარებაში ქართული ოცნების დეპუტატმა პლენარულ სხდომაზე დასდო ბრალი.

რატომ არის მნიშვნელოვანი: დღეს პლენარულზე რუსული კანონის განხილვა დღის წესრიგში არაა, თუმცა პოლიტიკური განცხადებების დიდი ნაწილი სწორედ მას ეთმობა.

  • ამაზე საუბარს დაუთმო თავისი დრო დავითულიანმაც, თუმცა, შემდეგ ევროკავშირის კრიტიკით გააგრძელა, რასაც უძღოდა რეპლიკა, რომ საქართველო-ევროკავშირის ურთიერთობებში ორივე მხარემ დაუშვა შეცდომა.
  • დავითულიანმა ევროკავშირი 1921 წელს საქართველოს "საბჭოთა რუსეთის შეტოვებაში" დაადანაშაულა, მიუხედავად იმისა, რომ ეს EU, რეალურად, 1951 წელს შეიქმნა, ხოლო ევროკავშირი 1993 წლიდან ეწოდა.
  • "არ დავიწყებ ეხლა ბევრის მოყოლას, 1921 წელს, როდესაც საბჭოთა რუსეთს შეგვატოვეს მორიგი გეოპოლიტიკური გადანაწილებისას, ესეც იყო ჩვენს ისტორიაში, ჩვენი ურთიერთობების".

დეტალები: "შეცდომა" უწოდა იმასაც, რომ საქართველომ კანდიდატის სტატუსი ვერ მიიღო და გადაწყვეტილება "სრულიად უსაფუძვლოდ" შეაფასა.

  • "უსამართლობაა, როდესაც ზოგიერთი ევროპელი პოლიტიკოსის მხრიდან მიხეილ სააკაშვილის უსაფუძვლო გასათავისუფლებასა და ევროპერსპექტივას შორის ტოლობის ნიშანი ისმევა".
  • ამის შემდეგ, დეპუტატმა დაამატა, მიუხედავად ამისა, საქართველოს ევროკავშირის გარდა სხვა ალტერნატივა არ გააჩნია.
  • "მითუმეტეს, არ ნიშნავს, რა თქმა უნდა, იმას, რომ ეს ალტერნატივა ვიღაცის თავში შეიძლება იყოს მილოშევიჩის გზაზე შემდგარი პუტინის აგრესორი რუსეთი, რომელიც განწირულია იზოლაციისთვის ან უკეთეს შემთხვევაში დემოკრატიზაციისთვის, თუ დაემორჩილება ცივილიზებული სამყაროს თამაშის წესებს".