სახელმწიფო უსაფრთხოების სამსახურში "ფეიკ-ნიუსებს" უწოდებენ ინფორმაციას, რომ საკანონმდებლო შენობაში მათი თანამშრომლები იმყოფებიან.

რატომ არის მნიშვნელოვანი: მას შემდეგ რაც რუსულ კანონს სამოქალაქო სექტორისა და მედიის წარმომადგენლების პროტესტი მოჰყვა, პარლამენტში გადაადგილდებიან და გადაადგილებას უზღუდავენ სხვებს სამოქალაქო ფორმებში ჩაცმული პირები, რომლებსაც მაიდენტიფიცირებელი ნიშნები არ აქვთ.

  • დღეს, 6 მარტს იურიდიულ საკითხთა კომიტეტის დაწყებამდე დეპუტატმა, ხათუნა სამნიძემ დაპოსტა, რომ პარლამენტი და ეზო დაცვითა და სუს-ითაა სავსე.
  • ამაზე საუბრობენ სხვა ოპოზიციონერი დეპუტატებიც.

დეტალები: ამბობენ, რომ უპასუხისმგებლოა ზოგიერთი პოლიტიკოსის განცხადება, "თითქოს ქართული სპეცსამსახურის მხრიდან პარლამენტში გარკვეული სახის ძალადობას აქვს ადგილი.

  • "სრული პასუხისმგებლობით" აცხადებენ, რომ შენობაში მოვლენების განვითარების დღიდან არც ერთი მათი თანამშრომელი არ ყოფილა.
  • "პოლიტიკური ჯგუფების მხრიდან გაკეთებული განცხადებები სრულად ემსახურება საზოგადოების შეცდომაში შეყვანისა და ქართული სპეცსამსახურის დისკრედიტაციის მცდელობას".
  • მოუწოდებენ პარლამენტთან მომუშავე მედიასაშუალებებს, თავი შეიკავონ დაუდასტურებელი ინფორმაციის გავრცელებისგან.