ჭოხონელიძე რუსულ კანონზე: ნამდვილად არ მინდა ასეთ ქვეყანას ვუყურებდე, ძალიან რთულია

3 Mar. 2023, 18:16

საფრთხე არის ერთი, ცალსახა და ყველაზე მნიშვნელოვანი, ის, რომ ჩვენ ისევ რუსეთის მონებად და გუბერნიად აღმოვჩნდებით, აი, ეს არის მთელი უბედურება. ყველაფერი კეთდება იმისთვის, რომ ეს ასე იყოს. ვისაც როგორც უნდა, ისე შემედავოს, მაგრამ მე მგონია, რომ ის ადამიანები, ვინც დღეს ფიქრობენ, რომ კიდევ რუსეთს უნდა დაუკავშირონ ჩვენი ბედი, ძალიან დიდ უმცირესობაში არიან. უბრალოდ, მე ვფიქრობ, რომ ძალიან ყვირის მათი დღევანდელი მდგომარეობა. იგივე თუნდაც პოლიცია, სამ რიგად რომ დგანან. ძალიან ხმამაღლა ყვირის მათი ფორმები, თორემ ნამდვილად არ არიან ბევრნი.

უკვე ისეთ ხალხი მოვიდა გონს, ვინც აბსოლუტურად მოწინააღმდეგე იყო ოპოზიციის. დღეს ქართულ ოცნებას, თუ არ ვიცი საერთოდ ამ გადაწყვეტილებას ჩაუდგა ოპოზიციაში. ძალიან ბევრი მოეგო გონს, რომ დღეს არ შეიძლება... დღეს ერთადერთი გამოსავალი არსებობს, რომ გავერთიანდეთ ყველა ერთი აზრით, რომ ცალსახად არ გვინდა ისევ მონობა, ცალსახად არ გვინდა ისევ გუბერნიად ყოფნა.

ეს ყველაფერი რაც ახლა ხდება, იგივე თუნდაც ეს კანონის სისულელეები, მგონია, რომ მიზანია, ვინც დღეს ხმას იღებს, დააშინონ, არ ამოაღებინონ, დაჭერით დაემუქრონ და ასე შემდეგ. მე არ ვიცი, ეს ყველაფერი რომ იმ საქართველოში ხდება, რომელსაც გამოვლილი აქვს 1801 წლიდან მოწყებული, 1937 წელი აქვს გავლილი და ყველაფერი უბედურება აქვს ნანახი, იმ საქართველოში ხდება დღეს ისევ იგივე.

საერთოდ რა შეიძლება რომ ვიწამო ამ ქვეყანაში. უკვე მართლა ძალიან რთულია ახალგაზრდას უთხრა, რომ ამ ქვეყანაში უნდა დარჩე და იცხოვრო, როდესაც ხედავ, რომ, ელემენტარულად, ხელისუფლებაში მყოფი ადამიანი, რომელსაც მთავარი მოეთხოვება, კორექტულობა, რაც არ უნდა ოპოზიციას ხედავდეს და რაც არ უნდა არ მოსწონდეს კრიტიკული აზრი, ის კი არა, რომ ღირსეულად პასუხს სცემდეს ოპონენტს. არა, ცინიკურად, დამცინავად, დამაკნინებლად პასუხობს ყველა კრიტიკულ და საწინააღმდეგო აზრს. მე არ მინდა, ნამდვილად არ მინდა ასეთ ქვეყანას ვუყურებდე. ძალიან რთულია, მითუმეტეს, როცა შენი სისხლი და ხორცი გიკეთებს ამას, ყველაზე საშინელებაა. ისტორიულად გვაქვს ამის დიდი გამოცდილება, რომ საკუთარი სისხლი და ხორცი ასმენდა, დღეს ზუსტად იმავე რეალობის წინაშე დავდგებით, თუ ეს კანონი საბოლოო ჯამში შევიდა ძალაში.

ბოლო ამბები: