ფლანგვის დეტექტორის ინფორმაციით, 2016 წელს, ალექსანდრე ჭიკაიძემ ანაზღაურების სახით 71 700 ლარი მიიღო, რაც თვეში საშუალოდ 5 975 ლარს შეადგენს.

ჭიკაიძე 2015 წელს სახელმწიფო უსაფრთხოებისა და კრიზისების ეროვნული საბჭოს მდივნის მოადგილის პოსტზე 2015 წელს დაინიშნა და საქმიანობის პირველ წელს, მისი ჯამური შემოსავალი 40 131 ლარი იყო.

სარგოს ზრდასთან ერთად, ალექსანდრე ჭიკაიძე ერთ-ერთი ყველაზე მაღალანაზღაურებადი სახელმწიფო მოხელე იყო. 2016 წელს, საქართველოს პრემიერმინისტრის, გიორგი კვირიკაშვილის, წლიურმა ანაზღაურებამ ჯამურად 51 369 ლარი შეადგინა.

ფლანგვის დეტექტორის ინფორმაციით, აღნიშნულ ხარჯებში არ შედის მის მომსახურებაზე გაწეული ხარჯები (მანქანა, საწვავი, მობილური,ინტერნეტი, მივლინება) და მხოლოდ ხელფასი/დანამატის სახით მიღებულ თანხებს გულისხმობს.

"ფლანგვის დეტექტორი" არასამთავრობო ორგანიზაცია "მმართველობის მონიტორინგის ცენტრის" მედია პროექტია.