ინფორმაციას ადგილობრივი და საერთაშორისო მედიები ავრცელებენ.

რატომ არის მნიშვნელოვანი: 6 თებერვალს თურქეთში 7,8 და 6,7 მაგნიტუდის სიმძლავრის მიწისძვრები მოხდა.

  • ეპიცენტრი თურქეთ-სირიის საზღვართან, ქალაქ გაზანთეპთან ახლოს იყო, შედეგად ბიძგები რეგიონის 4 ქვეყანაში იგრძნობოდა, მათ შორის, ლიბანსა და ისრაელშიც.
  • მიწისძვრამ ნგრევა გამოიწვია, რასაც თურქეთსა და სირიაში 50 000-ზე მეტი ადამიანი ემსხვერპლა, ათიათასობით კი დაშავდა.
  • თურქეთის კატასტროფების მართვის სააგენტოს ცნობით, მასიურ მიწისძვრებს ბოლო 20 დღეში 9 136 ბიძგი მოჰყვა.
  • მათ შორის, ერთ-ერთი 20 თებერვალს 6,4 მაგნიტუდის სიმძლავრის იყო.
  • პირველი კვირის განმავლობაში ნანგრევებიდან არაერთი ადამიანი ამოიყვანეს, თუმცა ბოლო დღეებში გადარჩენილების შესახებ ინფორმაცია არ გავრცელებულა.

თურქეთი: Anadolu Agency-ის ცნობით, ქვეყანაში დაღუპულთა რიცხვი 44 218-მდე გაიზარდა.

  • სტიქიის ზონაში ამჟამად 11 400-ზე მეტი ადგილობრივი და საერთაშორისო სამძებრო-სამაშველო პერსონალი მუშაობს — ქართველი მაშველები უკვე დაბრუნდნენ.
  • კატასტროფების ცენტრის ხელმძღვანელის განცხადებით, გაიხსნა სპეციალური ცენტრები და მიწისძვრით დაზარალებულმა თითქმის 912 000-მა ადამიანმა მიიღო ფსიქოსოციალური დახმარება.
  • BBC-ის ცნობით, 160 000-ზე მეტი შენობა ჩამოინგრა ან სერიოზულად დაზიანდა — ქვეყნის იუსტიციის მინისტრმა განაცხადა, რომ 600-ზე მეტი ადამიანის წინააღმდეგ დაიწყო გამოძიება, 184 კი უკვე დააკავეს, მათ შორის, ერთ-ერთი ქალაქის მერიც.
  • ოპოზიციური პარტიები და ზოგიერთი სამშენებლო ექსპერტი პრეზიდენტ რეჯეფ თაიფ ერდოღანის ადმინისტრაციას სამშენებლო რეგულაციების შეუსრულებლობაში ადანაშაულებენ.

სირია: ბოლოს, პარასკევს გამოცხადებული დაღუპულთა რიცხვი 5 914-ს აღწევს.

  • იდლიბის ხელისუფლებამ განაცხადა, რომ მხოლოდ ამ რეგიონში 100-ზე მეტი ქალაქი, დაბა და სოფელი დაზარალდა, დანგრეულია 812 შენობა, დაზიანებულია 5 937.
  • გაეროს შეფასებით, სირიაში 9 მილიონი ადამიანი დაზარალდა.
  • Aljazeera თეთრი ჩაფხუტებზე დაყრდნობით წერს, რომ 20 თებერვლს მიწისძვისას ქვეყანაში 100-ზე მეტი ადამიანი დაშავდა.