შესაბამისი განცხადება უწყებამ თავად გაავრცელა.

რატომ არის მნიშვნელოვანი: დღეს, 15 თებერვალს, პენიტენციურმა სამსახურმა პატიმრობაში მყოფი ყოფილი პრეზიდენტის კადრები გაასაჯაროვა, რომელიც კლინიკა ვივამედშია გადაღებული.

  • უწყების მტკიცებით, მედიასაშუალებები სააკაშვილის ჯანმრთელობის მდგომარეობაზე "არასწორი აღქმების ჩამოსაყალიბებლად" ავრცელებენ ვიდეოკადრებს, თითქოს ექსპრეზიდენტს გადაადგილება არ შეუძლია, მათი მიზანი კი საზოგადოების "ობიექტური ინფორმირებაა".
  • "ცრუ საინფორმაციო კამპანიის შესაძლო მიზანია სახელმწიფოს მხრიდან თითქოსდა არასათანადო რეაგირების წარმოჩენის გზით საზოგადოებრივი მღელვარების გამოწვევა და ქვეყნის დადებითი იმიჯის შელახვა", — წერს პენიტენციური.

დეტალები: პერსონალურ მონაცემთა დაცვის სამსახურში ამბობენ, რომ საკითხის შესწავლა საკუთარი ინიციატივით, დაუყოვნებლივ დაიწყეს.

  • უწყება, ასევე, მუშაობს 14 დეკემბერს სააკაშვილის კადრების გასაჯაროების კანონიერების შემოწმებაზე, რაზეც გადაწყვეტილება ჯერ არ მიუღიათ.