ამის შესახებ ხელოვანი სოციალურ ქსელში განცხადებას ავრცელებს.

რატომ არის მნიშვნელოვანი: 4 თებერვალს, ეროვნულ გალერეაში, კულტურის ცენტრ ათინათის გამოფენის გახსნაზე, მხატვარმა სანდრო სულაბერიძემ საკუთარი ნამუშევარი ჩამოხსნა და მის ნაცვლად, კედელზე დატოვა წარწერა — "ხელოვნება ცოცხალი და დამოუკიდებელია".

  • ფაქტზე შსს-მ გამოძიება ქურდობის მუხლით დაიწყო, რაც სასჯელის სახით 1-დან 2 წლამდე შინაპატიმრობას ან თავისუფლების 3-დან 5 წლამდე აღკვეთას ითვალისწინებს.
  • სულაბერიძის მხარდასაჭერად 12 თებერვალს აქციაც გაიმართა.
  • მომხდარს გამოეხმაურა ახალგაზრდა იურისტთა ასოციაციაც და თქვა, რომ გამოძიების დაწყება ქურდობის მუხლით არასწორია.

დეტალები: "ახლახან გავგზავნე წერილი ქეთი შავგულიძის და ათინათის სახელზე, რათა მიმართონ ეროვნულ გალერეას, რომ მომდევნო 24 საათის განმავლობაში დაბრუნდეს გამოფენაზე "ავტოპორტრეტი სარკესთან" ჩემი ნამუშევარი", — წერს მხატვარი.

  • ამბობს, რომ წამოღების ორგანიზება თავადაც შეუძლია.
  • აფციაურის განმარტებით, ნამუშევარი მისი შემოქმედებითი საკუთრებაა, გამოფენამდე არ მოუწერია ხელი არც ერთი იურიდიული დოკუმენტისთვის, არ აუღია ჰონორარი და მისი თანამონაწილეობა თავისივე კეთილგანწყობის საფუძველზე მოხდა.
  • "ამ პოსტს საჯაროდ ვწერ რადგან ვთვლი საკმაოდ საზრიანი ვადაა 24 საათი მიღება ჩაბარების-აქტისა და სხვა დოკუმენტების მოსაგვარებლად. ასევე საჯაროდ ვაფიქსირებ, რომ ამ ვადაზე დიდხანს ჩემი ნამუშევრის იქ ყოფნა ჩემთვის მიუღებელია", — წერს მხატვარი.
  • განმარტავს, რომ საჯარო განაცხადს აფიქსირებს და 24 საათის განმავლობაში სრული უფლება აქვს, ნამუშევარი დაიბრუნოს.
  • "პ.ს ყველას გთხოვთ, ნუ ესვრით ტალახს გამოფენის მონაწილე მხატვრებს, ეს არასწორია და არაჯანსაღი, ყველა მონაწილე ხელოვანმა ზუსტად იცის რა, როდის და როგორ გააკეთოს და ყველას პოზიციონირების უკან დგას ჯანსაღი აზრი და ქმედება", – წერს აფციაური.
  • მისი აზრით, ყველაზე მეტად საჭირო ამ დროს ერთობაა და სწორედ პოზიციების და აზრთა სხვადასხვაობაშია ხელოვნების სიცოცხლე და დამოუკიდებლობა, სწორხაზოვანი მორალისტური აზროვნება.
  • განმარტავს, რომ ჰეროიზმი ხშირად ყველაზე მარტივი გამოსავალია, რომელიც ხშირად მტრის წისქვილზე ასხამს წყალს.