ინფორმაციას საერთაშორისო მედიები ავრცელებენ.

რატომ არის მნიშვნელოვანი: რუსეთის უკრაინაში შეჭრის შემდეგ, რუსი მომღერალი ზემფირა უკრაინას ღიად უჭერდა მხარს და აცხადებდა, რომ რუსეთის გამო ძალიან წუხს.

  • მან ომის დაწყებიდან მალევე, 2022 წლის მარტში, მხარდასაჭერად ახალი ვიდეოკლიპი გამოუშვა, სახელად Не Стреляйте (არ ისროლო).
  • ვიდეოკლიპში უკრაინის ომის კადრებს, რუსეთის საპროტესტო აქციებსა და დაკავებულ რუს აქტივისტებს ვხედავთ.
  • "და ახლა ჩემი ქვეყანა ანადგურებს უკრაინას და საკუთარ თავს. მე ნამდვილად მინდა მშვიდობა. არა ომს!", — ამბობს მომღერალი.

დეტალები: Reuters-ის ცნობით,პარასკევს რუსეთის იუსტიციის სამინისტრომ ზემფირა უცხოელი აგენტების სიაში შეიყვანა იმ მოტივით, რომ იგი მხარს უჭერდა უკრაინას და აკრიტიკებდა რუსეთის "სპეციალურ სამხედრო ოპერაციას".

  • რუსული პროპაგანდისტული მედიის ცნობით, მომღერალი ღიად უჭერდა მხარს უკრაინას, მართავდა კონცერტებს არამეგობრულ ქვეყნებში და მხარდაჭერა მიიღო უცხოური წყაროებიდან.
  • მედიის ცნობით, ზემფირამ რუსეთი მას შემდეგ დატოვა, რაც მისი ქვეყანა უკრაინაში შეიჭრა და ახლა მომღერალი საფრანგეთში ცხოვრობს.