BBC-ის ცნობით, წყვილი გაასამართლეს კორუფციის, პროსტიტუციისა და პროპაგანდის ხელშეწყობისთვის.

რატომ არის მნიშვნელოვანი: ირანში უსაფუძვლო ბრალდებებით დაკავებები და მძიმე სასჯელების გამოყენება მას შემდეგ გახშირდა, რაც მასშტაბურ აქციებზე მოქალაქეები მაჰსა ამინის მკვლელობას აპროტესტებენ.

  • ამ დემონსტრაციებზე ასობით ადამიანი დაიღუპა, ხოლო გაერთიანებული ერების ორგანიზაციის მონაცემებით, დაკავებულია სულ მცირე — 14 000.

დეტალები: დაკავებულები 21 წლის ასტიაჟ ჰაკიკი და მისი საქმრო, 22 წლის ამირ მოჰამად აჰმედი არიან.

  • წყვილი ირანის ზნეობის პოლიციამ მას შემდეგ დააკავა, რაც ცეკვის ვიდეოები მათ Instagram გვერდებზე განთავსდა.
  • ვიდეოში ჩანდა, რომ წყვილი თეირანის თავისუფლების კოშკთან ცეკვავდა.
  • ისინი ცეკვას ირანში მიმდინარე საპროტესტო აქციას არ უკავშირებდნენ.