ახალი წლის ღამე ახლოვდება და წინასაახალწლო ფუსფუსიც მატულობს. ვცდილობთ, ყველაფერი მოვასწროთ: სახლის მორთვა, საახალწლო კერძების მომზადება, საჩუქრების ყიდვა და შეფუთვა. მაგრამ რაც უფრო ცოტა დრო რჩება, ჩვენი ნერვიულობაც პიკს აღწევს — მოვასწრებთ ყველაფერს, სანამ ღამის თორმეტი საათი დადგება?

თიბისი დაზღვევამ თავისი კამპანიით შეგვახსენა, რომ არსებობს იდიომები და ფრთიანი ფრაზები, რომლებიც მიგვანიშნებს, რომ სანერვიულო არაფერია. გამონაკლისი არც დეკემბრის მიწურულია, წინასაახალწლო ფუსფუსშიც არის რაღაცები, რის გამოც ჩიტი ბრდღვნად ღირს და თანაც, ჩვენს ჭიას ახარებს.

საახალწლო სიტუაციაზე მორგებული იდიომები თიბისი დაზღვევამ რადიოს მეშვეობითაც გაავრცელა, ვიდეორგოლებად აქცია და საინტერესო ილუსტრაციებიც შექმნა. სტატიაში სწორედ იმ ილუსტრაციებს გაჩვენებთ, რომლებიც შეგახსენებს, რომ სანერვიულო არაფერია, მაშინაც კი, თუ ფიქრობ, რომ მიზნის მომწიფებისთვის დრო აღარ გყოფნის.

მერე რა, რომ დაუსრულებელ რიგებში დგახარ, სანერვიულო არაფერია

ახალი წელი ხომ საყოველთაო დღესასწაულია, რომლისთვისაც ყველა ვემზადებით. ამიტომ, ნამდვილად არ უნდა გაგიკვირდეს, თუ რიგში შენ წინ ბევრი ადამიანი დაგხვდება. საბოლოოდ ხომ მაინც დასრულდება ლოდინი და სახლისკენ მიმავალი მიხვდები, რომ ჩიტი ბრდღვნად ღირდა.

მერე რა, რომ საჩუქრის ყიდვა ყველას ბოლო მომენტში უწევს, სანერვიულო არაფერია

მოლებისკენ მიმავალს, საცობები ნამდვილად არ უნდა გაგიკვირდეს. ყველას ხომ ახლა უნდა საყვარელი ადამიანებისთვის საჩუქრის შერჩევა. მანქანების რაოდენობაც ნუ შეგაშინებს, გაემართე საჩუქრების საყიდლად, შენი და შენთვის ძვირფასი ადამიანების ჭიის გახარება საცობში დროის ხარჯვად ნამდვილად ღირს.

მერე რა, რომ გზაში ბევრი დრო გეხარჯება, სანერვიულო არაფერია

საცობებს ვერსად გაექცევი, მაგრამ საახალწლო განწყობა არ უნდა გაიფუჭო. გამოიყენე ეს შესაძლებლობა იმისთვის, რომ თუნდაც უცნობ ხალხს დამდეგი ახალი წელი მიულოცო. ვინ იცის, იქნებ საცობში ისეთი ადამიანიც კი გაიცნო, რომელიც შენთვის წლის მთავარ აღმოჩენად იქცევა.

მერე რა, რომ ქუჩაში ბევრი ხალხია, სანერვიულო არაფერია

თუ მაინც თვლი, რომ საცობებში დროის დაკარგვა არ გინდა და ფეხით სეირნობას გადაწყვეტ, ბევრ ხალხს ნურც ტროტუარებზე შეუშინდები. თუ საახალწლო განათებები და დეკორაციები ფრთებს გასხამს, გააგრძელე სეირნობა, ასეთ განწყობას კიდევ როდის იგრძნობ ქალაქში?!

მერე რა, რომ საახალწლო სიმღერები ყველგან გხვდება, სანერვიულო არაფერია

მოდი, ვიყოთ გულწრფელები და ვაღიაროთ, რომ მერაია ქერის საშობაო ჰიტი ყელშია, მაგრამ ვინ თქვა, რომ ამის გამო ის ჩვენს ჭიას არ ახარებს? ეს ხომ ის სიმღერაა, რომელიც ყველაზე ჯადოსნური პერიოდის მოახლოებას გვამცნობს. თანაც, დარწმუნებული ხარ, რომ ამ მობეზრებულ სიმღერას გულში მაინც არ ჰყვები ღიღინით?

მერე რა, რომ დიდი საჩუქრები არ მოგიმზადებია, სანერვიულო არაფერია

რა ამაღლებს საახალწლო განწყობას, თუ არა ტკბილეული? შეგიძლია შენს მგზავრებს ტკბილეული უწილადო და ერთმანეთს 2022 წლის ტკბილი მოგონებებიც გაუზიაროთ. თუ სხვების გახარება ფრთებს გასხამს, სანერვიულო მართლაც არაფერია.

მერე რა, რომ არავინ დაგემგზავრა, სანერვიულო არაფერია

საცობებში თუ მარტო აღმოჩნდი, ნურც ამაზე ინერვიულებ. ჩართე რადიო, მოუსმინე საახალწლო სიმღერებს, საინტერესო გადაცემებს და გახსოვდეს, შენი ჭიის გასახარებლად ხანდახან მცირედიც საკმარისია.

მერე რა, რომ რაღაც წინასწარ ვერ გათვალე, სანერვიულო არაფერია

საახალწლო ფუსფუსში შეიძლება ისეთი მნიშვნელოვანი დეტალებიც კი გადაგავიწყდეს, როგორიც საკუთარი თავისთვის საჩუქრის ყიდვა და ჭიის გახარებაა. ამასთან რა მოსატანია იმის დავიწყება, რომ სახლის კარი უნდა გაგეზომა? არა უშავს თუ ცოტა იწვალე, მთავარია, ნაძვის ხე უკვე სახლში გაქვს, უყურებ და ხვდები, რომ ჩიტი ბრდღვნად ღირდა!