შემთხვევის შედეგად დაშავდა ორი ადამიანი, დაიტბორა სასტუმრო და მიმდებარე ქუჩები.

რატომ არის მნიშვნელოვანი: ბერლინის გიგანტურ AquaDom აკვარიუმში 1 500 ტროპიკული თევზი ბინადრობდა.

  • 14 მეტრი სიმაღლის აკვარიუმი შეფასებული იყო, როგორც — "ყველაზე დიდი თავისუფლად მდგარი ცილინდრული აკვარიუმი მსოფლიოში".

დეტალები: აკვარიუმი სასტუმროს, Radisson Blu-ს ფოიეში მდებარეობს და იგი მილიონ ლიტრ წყალს შეიცავდა.

  • აფეთქების ადგილიდან ევაკუირებულია სასტუმროს მცხოვრებლები, ახლო პერიმეტრზე შეწყდა ტრამვაის მიმოსვლაც.
  • პოლიციის შეფასებით, ზიანი "წარმოუდგენელია" და მიმდებარე ქუჩებში "მასიური რაოდენობით" წყალი მიედინება.
  • ბერლინის სახანძრო ბრიგადის განცხადებით, ადგილზე 100-ზე მეტი მეხანძრე მივიდა, თუმცა უცნობია, რამ გამოიწვია ხანძარი.
  • პოლიციამ ადგილობრივ მედიას განუცხადა, რომ არ არსებობს მტკიცებულება, რომ შემთხვევა მიზანმიმართული თავდასხმის შედეგად მოხდა.

AquaDom 2003 წლის დეკემბერში გაიხსნა.

  • არსებული ინფორმაციით, მისი აშენება დაახლოებით 12,8 მილიონი ევრო დაჯდა.
  • ორი წლის წინ აკვარიუმის მოდერნიზებისთვის სამუშაოები ჩატარდა.