ლეპტოპს დღეს ჩვენს ცხოვრებაში იმდენად მნიშვნელოვანი ადგილი უჭირავს, რომ ხშირად ამას ვერც კი ვიაზრებთ, სანამ გაუთვალისწინებელი პრობლემა არ გაჩნდება და მის მოგვარებაზე ფიქრი არ მოგვიწევს. ფიქრს ვინ ჩივის, მთავარი სირთულე დროისა და თანხის გამოყოფაა ხოლმე — როცა სულ გადარბენაზე ხარ და არც დანაზოგში გაგითვალისწინებია დაზიანებული ლეპტოპის ხარჯები.

გეცნო ხომ სიტუაცია? ჯერ სად ხარ, კიდევ რამდენიმე მტკივნეულად ნაცნობ ამბავს მოგაგონებ. აი, მაგალითად...

1. როცა შენს ყავას შენ ნაცვლად ლეპტოპი სვამს

არაერთი გაფრთხილების, რჩევისა და მწარე გამოცდილებისა მიუხედავად, ვერაფრით გადავეჩვიე ლეპტოპის გვერდით ქაფქაფა ყავის დადგმას. ყავა ხომ ბევრი ჩვენგანის დილის რიტუალის განუყოფელი ნაწილია, ჰოდა, ზოგჯერ რთულია, ცდუნებას გაუძლო და მეილი ან სულაც ფეისბუქი ცხელი სასმლის თანხლებით არ შეამოწმო. თუმცა, კი გეცოდინება, ამ იდილიურ სურათს ზოგჯერ რა შედეგი მოსდევს ხოლმე — სველი ლეპტოპი და ვინ იცის, რამხელა დაზიანება...

2. როცა ლეპტოპს სჯერა, რომ ფრენა შეუძლია

კვლავაც ჩემი გამოცდილებიდან გირჩევდი, რომ ზედაპირი კარგად მოსინჯო, სანამ მასზე ლეპტოპს დადებ. დახრილ და/ან პრიალა ზედაპირზე განთავსებულ ნოუთბუქს ცალი ფეხი ხელოსანთან აქვს. თუმცა, ლეპტოპი კიდევ ბევრ სხვა სიტუაციაში შეიძლება გაგიფრინდეს — ზოგჯერ ხელიდან, ზოგჯერ კი... კარგი, აღარ გაგახსენებ ტრავმულ მოგონებებს. მთავარია, შევთანხმდით, რომ მფრინავი ლეპტოპი უზარმაზარი გაუთვალისწინებელი ხარჯების წინაპირობაა.

3. როცა ეკრანზე საეჭვო წარმომავლობის ბზარი ჩნდება

შეიძლება ზედაპირიც კარგად შეამოწმე და ყავაზეც უარი თქვი, მაგრამ რომელიღაც დილას იღვიძებ და ლეპტოპის ჩართვისას ამჩნევ, რომ ეკრანზე უცნაური ბზარია გაჩენილი. ამ დროს შენი გონება ფირს ატრიალებს და გამალებული ეძებს მიზეზს, სად და რატომ დაზიანდა ეკრანი. ეჭვად მაქვს, მიზეზების ძიებას ხშირად ოჯახის წევრების დადანაშაულებამდეც მიჰყავხარ. სხვა ადგილზე მცირე დაზიანებას კიდევ აიტანდი, მაგრამ, როგორ გინდა, ეკრანზე, ცხვირწინ გაჩენილ ბზარზე თვალი დახუჭო?!

4. როცა ეკრანი ხან ლურჯდება და ხანაც შეშდება

არა, სიცივე არაფერ შუაშია ამ შემთხვევაში — ასე რომ არც ცხელი ყავაა გამოსავალი. უბრალოდ, ზოგჯერ დამნაშავის ძებნას აზრი არ აქვს ხოლმე. ისეც ხდება, რომ ძაბვა ჩვენგან დამოუკიდებლად გადაწყვეტს ვარდნას, რაც, ცხადია, ელექტრომოწყობილობებზე ახდენს გავლენას. ლეპტოპის შემთხვევაში, პრობლემა უფრო მწვავე და გადაუდებელია ხოლმე — როგორც კი შენიშნავ, რომ შენი ლეპტოპი მუშაობის სურვილის არქონას სწორედ გალურჯებით ან გაშეშებით გამოხატავს, სასწრაფოდ და საიმედოდ უნდა შეინახო საჭირო მონაცემები.

5. როცა კლავიატურის ზოგიერთი კლავიში პენსიაზე გადის

ყავის გადასხმა ხანდახან არცაა საჭირო, კლავიატურის ზოგიერთი კლავიში ისე გადაწყვეტს, რომ მუშაობა, უბრალოდ, აღარ უნდა. რადგან ამ, ერთი შეხედვით, მცირე პრობლემის მოგვარებაც დიდ დროს უკავშირდება, ხანდახან კვირებიც კი გვიწევს ხოლმე დაკოპირებული ასოებით მოძრაობა. იშვიათ თანხმოვნებს კიდევ რა უჭირს, ვაი ჩვენს ბედს, თუკი რომელიმე ხმოვანი აღარ იწერება...

სწორედ ასეთი უიღბლობების თავიდან ასაცილებლად, კომპანია Lenovo მომხმარებელს ახალ სერვისს სთავაზობს — შემთხვევითი დაზიანებისგან დაცვა (ADP). ამ დამატებითი სერვისის შეძენა ნივთთან ერთად შეგიძლია Lenovo-ის ავტორიზებული პარტნიორის, ალტას, მაღაზიებში.

ADP-ის საშუალებით ლეპტოპს ან პლანშეტს მექანიკური დაზიანებისგან დაიცავ — მით უმეტეს, რომ ამ სერვისით გათვალისწინებულ დახმარებას სტანდარტული საგარანტიო მომსახურება არ ფარავს. ამ შემთხვევაში დაზიანებულ ძვირადღირებულ პროდუქტს Lenovo-ის ავტორიზებულ სერვის ცენტრში მაღალპროფესიონალი ტექნიკოსები შეაკეთებენ, რითაც ძვირფას დროს და დამატებით დანახარჯს დაზოგავ. რაც მთავარია, იმ შემთხვევაში, თუ მოწყობილობა შეკეთებას არ დაექვემდებარება, სანაცვლოდ სრულიად ახალ ნივთს მიიღებ.