კაპიტალიზაციით მსოფლიოს ხუთი ყველაზე მსხვილი ბანკიდან ოთხი ამერიკულია და ერთი ჩინური. მათი ჯამური საბაზრო ღირებულება companiesmarketcap.com-ის მონაცემებით, $1,230 ტრილიონს აჭარბებს.

JP Morgan

$400 მილიარდიანი კაპიტალიზაციით პირველ ადგილს JP Morgan იკავებს, რაც ორი თვის წინანდელ მაჩვენებელთან შედარებით თითქმის $100 მილიარდით მეტია, მაგრამ წლის დასაწყისთან შედარებით — $67 მილიარდით ნაკლები. ბანკის აქტივები $3,740 ტრილიონს აღწევს, ამ მხრივ ის ჩინურ კონკურენტებს ჩამორჩება და მე-5 ადგილს იკავებს.

Bank of America

მეორე ადგილს $302 მილიარდიანი კაპიტალიზაციით Bank of America იკავებს. JP Morgan-ის მსგავსად მისი კაპიტალიზაცია ბოლო ორ თვეში გაზრდილია, თუმცა გასულ წელთან შედარებით, $100 მილიარდიანი კლება ფიქსირდება. $3,170 ტრილიონიანი აქტივებით Bank of America პლანეტის მე-7 ყველაზე დიდი ბანკია.

ICBS

ჩინური ICBS (Industrial and Commercial Bank of China) $204 მილიარდიანი კაპიტალიზაციით მესამე ადგილზეა. ბანკის კაპიტალიზაციამ $500 მილიარდს პირველად ჯერ კიდევ 2008 წლის ოქტომბერში გადააჭარბა, 2018 წლის იანვარში კი $575 მილიარდს მიაღწია და რეკორდი მოხსნა. დიდი ვარდნის მიუხედავად, $5,540 ტრილიონიანი აქტივებით ICBS ბილო პერიოდში უცვლელ პირველ ადგილს ინარჩუნებს.

Wells Fargo და Morgan Stanley

მეოთხე და მეხუთე ადგილებს შესაბამისად 180 და 152 მილიარდ დოლარიანი კაპიტალიზაციით Wells Fargo და Morgan Stanley ინაწილებენ.

პირველ ასეულში რუსეთიდან მხოლოდ Sberbank მოხვდა. მისი კაპიტალიზაცია უკრაინაში შეჭრამდე $110 მილიარდს აღწევდა, ომის დაწყებიდან ერთ კვირაში $33 მილიარდამდე შემცირდა, ნოემბრის მდგომარეობით კი $47 მილიარდს შეადგენს და რეიტინგში 42-ე ადგილს იკავებს.

ევროპული ბანკებიდან ყველაზე მსხვილი $118 მილიარდიანი კაპიტალიზაციით ბრიტანული HSBC-ა, რომელიც რეიტინგში მე-15 ადგილს იკავებს, კონტინენტური ევროპიდან კი პირველ ადგილზე ფრანგული BNP Paribas-ია. მისი კაპიტალიზაცია $68 მილიარდს შეადგენს და საერთო რეიტინგში 21-ე ადგილს იკავებს.

ასეულს $14,4 მილიარდიანი კაპიტალიზაციით სამხრეთ კორეული KB Financial Group ასრულებს.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.