გალტ & თაგარტის მიერ ორგანიზებული თრეიდინგის ჩემპიონატი წარმატებით დასრულდა. ინიციატივა მიზნად ისახავდა საფონდო ბაზრებით დაინტერესებული მომხმარებლების წახალისებას, პრაქტიკული გამოცდილების გაზიარებასა და თანამედროვე საინვესტიციო შესაძლებლობებთან ხელმისაწვდომობის გაფართოებას.

მონაწილეებს გალტ & თაგარტის ონლაინ სავაჭრო პლატფორმაზე რეალურ საინვესტიციო პროცესებში ჩართვისა და საკუთარი სტრატეგიების გამოცდის შესაძლებლობა მიეცათ. მონაწილეები მინიმუმ $500-ის საწყისი კაპიტალით ასპარეზობდნენ, ხოლო ჩემპიონატის მთავარი მიზანი ყველაზე მაღალი პროცენტული მოგების მიღწევა იყო.

საუკეთესო სამეულში მოხვდნენ ისინი, ვინც შემდეგი შედეგი დააფიქსირეს:

  • I ადგილი — +113.4%
  • II ადგილი — +78.1%
  • III ადგილი — +25.8%

გამარჯვებულებმა საერთო $20,000-იანი საპრიზო ფონდიდან შესაბამისი პრიზები მიიღეს:

  • I ადგილის მფლობელმა — $10,000;
  • II — $5,000;
  • III — $3,000;

ხოლო ორი ყველაზე აქტიური თრეიდერი $1,000-ით დაჯილდოვდა.

“თრეიდინგის ჩემპიონატი იქცა კარგ შესაძლებლობად ყველასთვის, ვისაც საერთაშორისო საფონდო ბირჟებზე საკუთარი ძალების გამოცდა სურდა. trader.ge კი არის პლატფორმა, რომელიც სრულად მორგებულია ინვესტორების საჭიროებებსა და მომხმარებლებს გლობალურ ფინანსურ ბაზრებზე ვაჭრობის რეალურ გამოცდილებას აძლევს. მოხარულნი ვართ, რომ ჩემპიონატის მიმართ დიდი ინტერესი გაჩნდა. ჩვენ მომავალშიც არაერთ საინტერესო პროექტს შევთავაზებთ მომხმარებლებს.“ — განაცხადა დავით ნიშნიანიძემ, გალტ & თაგარტის საბროკერო დეპარტამენტის დირექტორმა.

გალტ & თაგარტის ონლაინ სავაჭრო პლატფორმისა და საბროკერო სერვისების შესახებ მეტი ინფორმაციის მისაღებად ეწვიეთ ბმულს.